ᐃᓵᒃᓯᒪᒋᑦ ᐃᓅᓯᕐᒧᑦ ᑲᑐᔾᔨᖃᑎᒌᑦ ᓄᓇᕗᒻᒥ ᑐᓴᖅᑎᑦᑎᕗᑦ ᐱᔾᔪᑎᖃᖅᑐᓂᒃ ᐊᕐᕋᒍᑕᒪᖅ ᐃᓱᒪᑯᑦ ᖃᓄᐃᖏᓐᓂᕐᒧᑦ ᐱᓇᓱᐊᕈᓯᕐᒥ ᓴᓇᐅᒐᓕᐊᓂᒃ ᓵᓚᒃᓴᕐᕕᐅᓂᐊᖅᑐᓂᒃ

April 27, 2017

ᖃᓄᖅ ᓴᓇᐅᒐᓕᐅᕈᓯᐅᕙᒃᑐᑦ ᐱᕚᓪᓕᕈᑕᐅᔪᓐᓇᕐᒪᖓᑦ ᐃᓱᒪᒃᑯᑦ ᖃᓄᐃᖏᓂᖅᓴᐅᔪᓐᓇᕐᓂᕐᒧᑦ?

ᖃᐅᔨᓴᖅᑕᐅᓯᒪᔪᑦ ᑕᐃᔅᓱᒧᖓ ᐋᓂᐊᓯᐅᖅᑎᒧᑦ ᕌᔾᔪ ᔫᓪᕆᑦᓯᒧᑦ, ᐱᐅᓯᕆᔭᐅᔪᓂᒃ ᐋᓐᓂᐊᕐᕕᖕᓂ ᖃᐅᔨᓴᕐᓂᕐᒥᓂᒃ, ᖃᐅᔨᓯᒪᔪᖅ ᖃᓄᐃᓕᖓᖃᑕᕐᓂᖏᓐᓂ ᐋᓐᓂᐊᕐᕕᖕᒦᑦᑐᑦ ᐃᒐᖓᒍᑦ ᐃᑦᑐᐊᖅᑐᕐᕕᒃᓴᖃᖅᑎᑕᐅᕙᓚᐅᖅᑐᓂᒃ ᑕᑯᔭᒃᓴᖃᖅᐸᒃᑐᓂᒃ, ᓴᓂᐊᓂᒃ ᑕᐃᒃᑯᓇᖓ ᐋᓐᓂᐊᕐᕕᖕᓃᑦᑐᓂᒃ ᐃᒐᓛᖃᖅᑐᓂᒃ ᕿᑯᖕᒥᒃ ᓴᓇᓯᒪᔪᒥᒃ ᓴᓂᕋᑐᐃᓐᓇᕐᒥᒃ ᑕᑯᔭᒃᓴᖃᖅᑎᑕᐅᕙᓚᐅᖅᑐᓂᒃ, ᖃᐅᔨᓗᓂᒋᑦ ᐊᖏᕐᕋᖅᓵᓕᓂᖅᓴᐅᕙᓚᐅᕐᓂᖏᓐᓂᒃ ᐅᓪᓗᓪᓗᐊᕐᒥᒃ ᕿᓚᒥᐅᓂᖅᓴᖅ ᓴᓂᐊᓂ ᑕᐃᒃᑯᓇᖓᑦ ᑕᑯᔭᒃᓴᖃᖅᑎᑕᐅᕙᓚᐅᖏᑦᑐᓂᒃ ᐊᓐᓂᐊᕐᕕᖕᒥᓚᐅᖅᑐᓂᒃ. ᐊᒻᒪ ᓱᓕ, ᐊᓐᓂᐊᕐᕕᖕᒥᑎᑕᐅᔪᑦ ᑕᑯᔭᒃᓴᖃᖅᑎᑕᐅᕙᓚᐅᖅᑐᑦ ᐃᒐᓛᕐᒥᒍᑦ ᐃᒃᐱᓂᐊᒋᒃᑯᑎᓂᒃ ᐊᓐᓂᐊᕆᔭᒥᓄᑦ ᐱᔭᕆᐊᖃᖏᓂᖅᓴᐅᕙᓚᐅᕐᓂᖏᓐᓂᒃ.

ᖃᐅᔨᓴᖅᑕᐅᔪᓂᒃ ᑕᑯᔭᐅᕙᓪᓕᐊᑐᐃᓐᓇᖅᓯᒪᔪᑦ ᐃᓄᐃᑦ ᑕᑯᔭᒃᓴᖃᖅᑎᑕᐅᕙᖕᓂᖏᑦ, ᓴᓇᐅᒐᓕᐅᖅᐸᒃᑐᓪᓗ, ᑕᐅᑐᕋᓐᓇᒐᒃᓴᓖᓪᓗ ᐃᓱᒪᒥᒍᑦ ᐊᒃᓱᕈᖅᓴᖏᓐᓂᖅᓴᐅᕙᓚᐅᕐᒥᔪᑦ, ᖁᒃᓴᓱᖏᓐᓂᖅᓴᐅᕙᒃᓱᑎᒃ, ᓂᕆᐅᖕᓂᖃᕐᓂᖅᓴᐅᕙᒃᓱᑎᒃ ᐊᒻᒪᓗ ᖃᓄᐃᓐᓂᐊᖏᓂᕐᒥᒃ ᐃᓱᒪᖃᕈᓐᓇᕐᓂᖅᓴᐅᕙᓚᐅᖅᓱᑎᒃ. ᒪᒥᓴᕈᑕᐅᔪᓐᓇᕐᓂᖏᑦ ᓯᓚᒥᓗ ᓄᓇᒥᓗ ᑕᑯᔭᒃᓴᖃᕐᓂᖅ ᐱᐅᓯᑐᖃᕆᔭᐅᔪᓂᒃ ᐊᒻᒪᓗ ᓴᓇᒐᐅᓕᐅᐊᖑᓯᒪᔪᓂᓂᒃ ᑕᑯᔭᒃᓴᖃᕐᓂᖅ ᐊᑕᕙᖕᒥᔪᑦ ᓴᓇᐅᖓᓕᐅᖅᑎᓄᑦ ᓇᖕᒥᓂᒃ, ᐃᓚᒥᓄᓪᓗᑦ, ᐊᖅᑯᓵᖅᓯᒪᑐᐃᓐᓇᑲᐃᓐᓇᖅᑐᓄᓪᓗ ᐊᓯᖏᓐᓄᑦ ᑭᓇᒃᑯᑐᐃᓐᓇᕐᓂᕐᒧᑦ.

ᑕᑯᔭᒃᓴᐅᓂᖏᑦ

ᖃᐅᑕᐅᔪᒪᔪᑦ ᓴᓇᐅᒐᐃᑦ ᑕᑯᔭᒃᓴᓕᐊᕆᔭᐅᓯᒪᓂᐊᖅᑐᑦ ᐃᓵᒃᓯᒪᒋᑦ ᐃᓅᓯᕐᒧᑦ ᑲᑐᔾᔨᖃᑎᒌᑦ ᖃᕆᑕᐅᔭᒃᑯᑦ ᐃᓄᓕᒪᖅᓯᐅᑎᒃᑯᕕᖓᒍᑦ. ᓵᓚᖃᖅᑐᑦ ᓴᓇᐅᒐᒥᓄᑦ ᑕᑯᔭᒃᓴᓕᐊᕆᔭᐅᓯᒪᓂᐊᖅᑐᑦ ᐃᓄᓕᒪᖅᓯᑎᐅᖓᒍᑦ ᐊᒻᒪᓗ ᐅᓪᓗᖅᓯᐅᑎᐅᓂᐊᖅᑐᓂ 2017-2018-ᒥ ᐊᑐᐃᓐᓇᐅᓂᐊᖅᑐᓂ ᑕᒪᐃᓐᓂ ᓄᓇᕗᓕᒫᒥ.

ᐱᒻᒪᕆᐅᓂᖏᑦ ᐅᓪᓗᐃᑦ ᒪᑐᔭᐅᕕᒃᓴᖏᓪᓗ

ᒪᐃ 29, 2017 ᔫᓐ 12, 2017: ᑭᖑᓪᓕᖅᐸᕆᔭᐅᓂᐊᖅᑐᖅ ᐅᓪᓗᖓ ᖃᐃᑦᑎᕕᐅᔪᓐᓇᕐᓂᖅ. ᑕᒪᕐᒥᒃ ᓴᓇᐅᒐᓕᐊᖑᓯᒪᔪᑦ ᖃᐃᑕᐅᓯᒪᔭᕆᐊᖃᕐᓂᐊᖅᑐᑦ ᑕᒡᕙᓂ ᐅᓪᓗᖓᓂ ᐃᓵᒃᓯᒪᒋᑦ ᐃᓄᓯᕐᒧᑦ ᑲᑐᔾᔨᖃᑎᒋᖕᓄᑦ ᐃᓱᒪᓕᐅᕈᑕᐅᒋᐊᕐᓂᐊᕐᒪᑕ.

ᔫᓐ 5, 2017: ᓵᓚᒃᓴᖅᑐᖅ ᐅᖃᐅᓯᐅᓂᐊᖅᑐᑦ ᑐᓴᒐᒃᓴᐅᓗᑎᒃ, ᓵᓚᒃᓴᕈᑎᖏᓪᓗ ᑐᓂᔭᐅᓗᑎᒃ.

ᓴᓇᐅᒐᓕᐅᖅᑏᑦ ᐃᓚᐅᖁᔭᐅᓂᖏᑦ

ᒪᒃᑯᒃᑐᑦ ᐅᑭᐅᖃᖅᑐᑦ 12-19. ᓵᓚᒃᓴᖅᕕᐅᓂᐊᖅᑐᑦ ᒪᕐᕈᖕᓂᒃ ᐅᑭᐅᖃᕐᓂᖏᓐᓂᒃ ᐊᕕᒃᓯᒪᓗᑎᒃ: ᐅᑭᐅᓕᖕᓂᒃ 12-15 ᐊᒻᒪᓗ ᐅᑭᐅᓕᖕᓂ 16-19. ᖃᐃᑕᐅᓯᒪᓕᕈᑎᒃ, ᑕᒪᕐᒥᒃ ᓴᓇᐅᒐᐃᑦ ᐱᖁᑎᒋᔭᐅᓕᕐᓂᐊᖅᑐᑦ ᐃᓴᒃᓯᒪᔪᑦ

ᐱᔾᔪᑕᖑᓂᖏᑦ

• ᓴᓇᐅᒐᓕᐅᖅᑎᑦᑎᓂᖅ ᐊᑑᑎᖃᕈᓐᓇᖅᑐᓂᒃ ᖃᓄᐃᓕᕈᓗᔭᕐᓇᖏᓐᓂᖅᓴᐅᔪᓂᒃ ᐃᓅᓯᖃᕈᓐᓇᕐᓂᖅ

• ᒪᒃᑯᒃᑐᓂᒃ ᐱᕕᒃᓴᖃᖅᑎᑦᑎᔪᒪᓂᖅ ᖃᐅᕙᓪᓕᐊᔪᓐᓇᕐᓂᖅ ᓴᓇᖃᑕᐅᔪᓐᓇᕐᓂᖏᓐᓂᒃ ᐊᑐᕈᓐᓇᖅᑐᓂᒃ ᐃᑲᔪᕐᓂᕐᒧᑦ ᐊᓯᒥᓂᒃ

ᐃᓱᒪᒋᔭᐅᔪᒃᓴᐃᑦ

ᓇᖕᒥᓂᖅ ᑐᓂᓯᓗᑎᑦ ᓴᓇᓯᒪᔭᕐᓂᒃ ᐊᑑᑎᖃᕈᒥᓇᖅᑐᓂᒃ ᖃᓄᐃᓕᐅᕈᓘᔭᕐᓇᖏᓐᓂᖅᓴᐅᔪᓐᓇᖅᑐᓂᒃ ᐃᓄᓯᖃᕈᒪᓂᕐᒥᒃ. ᐆᒃᑐᖃᑕᐅᔪᑦ ᐱᔭᕆᖅᓯᒪᔭᕆᐊᖃᖅᑐᑦ ᑕᑕᑎᕆᐊᓕᖕᓂᒃ ᐃᓚᐅᖃᑕᐅᓂᖏᓐᓄᑦ ᑐᓂᓯᔾᔪᑎᓂᒃ, ᐃᓚᖃᕆᐊᖃᖅᑐᓂᒃ ᑕᐃᒍᓯᖓᓂᒃ ᐱᓕᕆᐊᖓᑕ ᓴᓇᔭᖓᓂ ᐊᒻᒪᓗ ᖃᓄᖅ ᐃᑲᔪᕐᓂᖃᕈᓇᖅᑐᔭᕆᔭᒥᓂᒃ ᐃᓄᖕᓂᒃ, ᑎᑎᕋᖅᓯᒪᓗᑎᒃ ᐅᖓᑕᓂᐅᖏᑦᑐᖅ ᐊᒥᓲᓂᓕᖕᓂᒃ 150-ᓂᒃ ᐅᖃᐅᓯᕐᓂᒃ ᐅᓂᒃᑲᖅᑐᓂᒃ ᖃᓄᖅ ᓴᓇᐅᒐᕐᒥᓂᒃ ᑐᑭᖃᖅᑎᑦᑎᒪᖓᑕ ᑕᑯᕙᖕᓂᐊᖅᑐᓄᑦ ᓴᓇᓯᒪᔭᖏᓐᓂᒃ. ᐱᔪᓐᓇᖏᑦᑐᒍᑦ ᓴᓇᐅᒐᕐᓂᒃ ᓂᐅᕐᕈᑎᒃᓴᐅᔪᓂᒃ ᓇᓗᓇᐃᒃᑯᑦᑎᖅᑕᐅᓯᒫᓂᒃᑐᓂᒃ ᐃᓄᖕᓂᒡᓗᓐᓂᑦ ᐊᓯᖏᓐᓂᒃ ᓴᓇᐅᒐᓕᐅᖅᑕᐅᓯᒪᔪᓂᒃ. ᓴᓇᐅᒐᐃᑦ ᖃᐃᑕᐅᔪᑦ ᑕᒪᒃᑯᓂᖓ ᒪᓕᒃᑕᐅᔭᕆᐊᖃᖅᑐᓂᒃ ᒪᓕᖏᑦᑐᑦ ᐃᓚᐅᔪᓐᓇᔾᔮᖏᑦᑐᑦ.

ᒪᒃᑯᐊ ᑕᒡᕙ ᐃᓱᒪᒋᔭᐅᕗᑦ ᓴᓇᓯᒪᔪᓐᓇᕐᓂᖏᓐᓄᑦ. ᓴᓇᐅᒐᓕᐅᖅᑏᑦ ᑐᓂᓯᖃᑦᑕᕈᓐᓇᖅᑐᑦ ᐊᑐᓂ ᐃᓱᒪᒋᔭᐅᖁᔭᐅᔪᓄᑦ ᑐᕋᖓᔪᓂᒃ (12-ᖏᖅᑕᕈᓐᓇᖅᑐᖅ ᐃᓄᒃ ᐊᑕᐅᓯᖅ ᐅᒃᑐᕈᓐᓇᖅᑐᖅ).

 

The following are suggested themes. If desired, artists may enter one piece of art for each theme (up to 12 entries per person).

ᖃᓄᐃᖏᓂᕐᒧᑦ ᐊᑐᖅᐸᓪᓕᐊᓂᕐᒧᑦ ᐃᓱᒪᒋᔭᐅᖁᔭᑦ

ᖃᓄᐃᓕᖓᓂᖏᑦ

ᓯᒡᒐᓖᖅᑐᖏᓂᖅᓴᐅᓂᖅ

ᐃᓄᐃᑦ ᖃᓄᐃᓕᐅᖓᖃᑦᑕᕈᓐᓇᖅᐸᑦ ᓱᐴᖅᑐᖃᑦᑕᖏᖓᕐᓗᑎᒃ? ᖃᓄᐃᓕᖓᓇᔭᖅᐸᑦ ᑕᐃᒃᑯᐊ?

ᐊᐃᑉᐸᖃᕐᓂᕐᒥᓂᒃ ᐱᖃᑎᒌᕐᓂᖏᓐᓂ ᖃᓄᐃᖏᑐᓐᓇᕐᓂᖅ

ᖃᓄᐃᑦᑐᓂᒃ ᑕᑯᔭᒃᓴᓕᐅᕈᓐᓇᖅᐸᑦ ᐃᓱᒪᓇᖅᑐᓂᒃ ᐃᒃᐱᒍᓱᑦᑎᐊᕈᓐᓇᕐᓂᕐᒥᓂᒃ ᐱᖃᑎᒥᓂᒃ / ᐊᐃᑉᐸᕐᒥᓂᒃ ᓇᒡᓕᕐᓂᕐᒥᒡᓗ ᐱᖃᑎᒥᓂᒃ / ᐊᐃᑉᐸᕐᒥᓂᒃ ᐅᓗᕆᐊᓇᖅᑐᒥᓐᓂᐊᖏᒪᑎᒃ ᐊᒻᒪᓗ ᖃᓄᐃᓕᓂᐊᖏᒻᒪᑎᒃ?

ᓂᕿᑦᑎᐊᕙᓕᕆᓂᖅ

ᓂᕿᑦᑎᐊᕙᖕᓂᒃ ᓂᕆᕙᖕᓂᖅ. ᖃᓄᖅ ᓂᕿᑦᑎᐊᕙᖕᓂᖅ ᓂᕿᖃᓱᖑᓂᖅ ᑕᑯᒃᓴᐅᓱᖑᕙ?

ᖃᓂᒃᑯᑦ ᖃᓄᐃᖏᓂᖅ

ᖃᓄᐃᖏᑦᑎᐊᖅᑐᓂᒃ ᖁᖓᐅᓯᖃᕈᓐᓇᕐᓂᖅ. ᖃᓄᐃᓕᑎᑦᑎᑕᐃᓕᒪᔪᓐᓇᖅᐱᑕ ᑭᒍᑎᑦᑎᓐᓂᒃ?

ᐅᓪᓗᕆᐊᓇᖅᑐᖃᖏᓂᖅ

ᐋᓐᓂᖅᑎᑦᑎᑕᐃᓕᒪᔪᓐᓇᕐᓂᖅ. ᖃᓄᖅ ᐅᕙᑦᑎᓐᓂᒃ ᐅᓗᕆᐊᓇᖅᑐᖃᖅᑎᑦᑎᑕᐃᓕᒪᔪᓐᓇᖅᐱᑕ ᐊᖏᕐᕋᕆᔭᑦᑎᓐᓂ/ᓄᓇᒥᑎᓗᒋᓪᓗᓐᓂᑦ ᑕᒪᓐᓇᓗ ᖃᓄᖅ ᑕᑯᒃᓴᐅᔪᓐᓇᖅᐸ?

ᐊᕙᑎᕗᑦ ᖃᓄᐃᖏᓂᖓ

ᖃᓄᖅ ᑕᑯᒃᓴᐅᕙᒃᐸᑦ ᓄᓇᐃᓪᓗ ᓯᓚᓗ ᖃᓄᐃᖏᑎᐊᖅᑐᑦ? ᖃᓄᖅ ᐃᓄᓕᒫᒃᑯᕕᐅᕙᒃᑐᑦ ᐃᓂᒃᓴᓂᒃᑕᐅᓯᒪᔪᑦ ᖃᓄᐃᖏᑦᑎᐊᖅᑐᑦ ᑕᑯᒃᓴᐅᓱᖑᕙ?

ᑎᒥᑦᑎᓐᓂᒃ ᐊᐅᓚᑦᑎᓗᑕ ᐱᓕᕆᑎᑦᑎᕙᖕᓂᖅ

ᖃᓄᖅ ᑕᑯᒃᓴᐅᓱᖑᕙ ᑎᒥᑯᑦ ᖃᓄᐃᖏᑎᐊᕐᓂᖅ ᑎᒥᑦᑎᓐᓂᒃ ᐊᐅᓚᑦᑎᓗᑕ ᐱᓕᕆᑎᑦᑎᕙᖕᓂᕐᒥᒃ?

ᑲᐱᔭᐅᕙᖕᓂᖅ ᐊᓐᓂᐊᓕᕇᒃᑯᑎᓂᒃ

ᖃᓄᖅ ᐅᕙᑦᑎᓐᓂᒃ ᓴᐳᓐᓂᐊᖅᓯᒪᔪᓐᓇᖅᐱᑕ ᐊᓐᓂᐊᓕᕈᓐᓇᕐᓂᕐᒥᒃ? ᖃᓄᖅ ᑕᒪᓐᓇ ᑕᑯᕐᓴᐅᓇᔭᖅᐸ?

ᐋᖓᔭᕐᓇᖅᑐᓂᒃ ᓱᕐᕋᖕᓇᖅᑐᓂᒃ ᐃᓱᒪᒧᑦ ᐊᑐᖅᐸᖕᓂᕐᒥᒃ ᖃᐅᔨᒪᑎᑦᑎᓂᖅ

ᖃᓄᐃᑦᑐᕙᒃᐸᑦ ᑕᑯᔭᒃᓴᓕᐊᖑᓯᒪᔪᓐᓇᖅᑐᑦ ᖃᐅᔨᕙᓪᓕᕈᑕᐅᔪᓐᓇᖅᑐᑦ ᐊᖓᔮᓕᓇᖅᑐᓂᒃ ᐃᓱᒪᒧᓪᓗᓐᓂᑦ ᓱᕐᕋᖕᓇᖅᑐᓂᒃ ᐊᑐᖅᐸᖕᓂᕐᒥᒃ ᐊᒻᒪᓗ ᐊᑐᕐᓂᕐᓗᒃᐸᖕᓂᕐᒥᒡᓗᓐᓂᑦ?

ᐊᐃᑦᑐᖅᑕᐅᔪᓐᓇᖅᑐᓂᒃ ᐊᒃᑐᖅᑕᐅᑦᑕᐃᓕᒪᔪᓐᓇᕐᓂᖅ ᐊᒻᒪᓗ
ᐳᕙᒡᓗᓕᕈᓐᓇᕐᓂᕐᒥᒃ ᖃᐅᔨᒪᔾᔪᑎᑦ

ᖃᓄᖅ ᐊᐃᑦᑐᐃᑕᐃᓪᓕᒪᔪᓐᓇᖅᐳᑕ ᐊᓐᓂᐊᓕᕐᓇᕈᓐᓇᖅᑐᓂᒃᑲ

ᐃᓱᒪᒃᑯᑦ ᖃᓄᐃᖏᓂᖅ

ᖃᓄᖅ ᑕᑯᒃᓴᐅᓂᖃᓱᖑᕙᑦ ᐃᓱᒪᒃᑯᑦ ᖃᓄᐃᖏᓂᖃᕐᓂᖅ? ᖃᓄᖅ ᐃᑲᔪᖃᑕᐅᑎᔪᓐᓇᖅᐱᑕ ᐃᓱᒪᒃᑯᑦ ᖃᓄᐃᖏᑐᓐᓇᕐᓂᕐᒧᑦ?

ᖃᓄᐃᖏᓂᖅ ᐃᓚᒋᖕᓂᕐᒥ

ᖃᓄᐃᖏᓂᖅ ᐃᓚᒋᕐᓂᕐᒥ. ᖃᓄᖅ ᑕᑯᒃᓴᐅᓱᖑᕙᑦ ᖃᓄᐃᖏᑦᑎᑐᑦ ᐃᓚᒋᒃᑐᑦ? ᖃᓄᐃᓕᐅᖅᐸᖕᒪᑕᓕᑭᐊᕐᖕ ᐊᐃ?

ᓱᓇᓂᒃ/ᑭᓱᓂᒃ ᓴᓇᓯᒪᔪᓐᓇᕐᓂᖏᑦ

ᐊᔾᔨᖑᐊᓕᐊᖑᓯᒪᔪᓐᓇᖅᑐᑦ. ᒥᖑᐊᖅᑕᐅᓯᒪᔪᑦ/ᐊᒥᐊᖅᑕᐅᓯᒪᔪᑦ, ᑎᑎᕋᐅᔭᖅᑕᐅᓯᒪᔪᑦ, ᐊᑯᓯᒪᔪᓗᓐᓂᑦ ᑕᒪᒃᑯᓂᖓ ᓴᓇᔭᐅᓯᒪᔪᑦ ᓯᑎᔪᓂ ᒥᖑᐊᕐᕕᓂᑦᑐᑦ, ᐸᐃᑉᐹᕐᓂᒡᓗᓐᓂᑦ. ᐊᑏᑐᖅ ᖃᐃᑦᑎᑦᑕᐃᓕᒪᓂᐊᖅᐳᓯ ᐊᓕᒍᕐᓂᒃ ᓴᓇᓯᒪᔪᓂᒃ ᓱᕋᖅᓴᕋᐃᑦᑐᓂᒡᓗᓐᓂᑦ.

ᐊᖏᓂᖏᑦ ᐊᒻᒪᓗ ᐱᔭᕆᖅᑕᐅᔾᔪᑎᖏᑦ

ᓴᓇᔭᐅᓯᒪᔪᑦ ᓴᓂᒧᑦ ᑐᑭᒧᓪᓗᓐᓂᑦ ᓇᐸᖓᕕᖃᖅᑐᑦ ᒥᑭᓐᓂᖅᓴᐅᔭᕆᐊᖃᖏᑦᑐᑦ ᐅᑯᓇᖓᑦ ᐃᓐᓯᔅᓂᒃ ᐊᖏᓕᖕᓂᒃ 8.5” x 11”.

ᐃᓱᒪᓕᐅᕈᑕᐅᓂᖏᓐᓄᑦ ᒪᓕᒃᑕᐅᓂᐊᖅᑐᑦ

• ᓴᓇᐅᒐᓕᐅᖅᑎᐅᑉ ᑐᑭᖃᖅᑎᑕᖏᓂᒃ ᐊᒻᒪᓗ ᐊᔪᖏᓂᖏᑦ ᑕᑯᔭᒃᓴᐅᓂᖏᓐᓂ ᑐᑭᓯᓇᕈᓐᓇᕐᓂᖏᑦ ᖃᓄᐃᖏᓂᕐᒥᒃ ᐃᓄᓯᖃᕐᓂᕋᐃᔪᒥᒃ ᑕᐅᑐᕋᓇᖅᑐᓄᑦ

• ᓴᓇᑐᓂᖓᓂᒃ, ᓴᓇᔭᐅᓯᒪᓂᖏᓐᓂᒃ ᐊᒻᒪᓗ ᓴᓇᐅᒐᓕᐅᓂᕐᒥᒃ ᐊᔪᖏᓂᖏᓐᓂᒃ • ᑐᑭᓯᓇᕈᓐᓇᕐᓂᖏᑦ ᑐᑭᓕᐅᖅᓯᒪᑦᑎᐊᕈᓐᓇᕐᓂᖏᓐᓂᒃ ᐃᓱᒪᓇᖅᑐᓂᒃ

ᓵᓚᒃᓴᕈᑎᖏᑦ

ᓯᑕᒪᓂᒃ ᐃᓱᒪᓕᐅᖅᑎᖃᕐᓂᐊᖅᐳᑦ ᖃᐅᔨᒪᔪᓂᒃ ᓴᓇᐅᒐᓕᕿᓂᕐᒥᒃ ᐊᒻᒪᓗ/ᐅᕝᕙᓗᓐᓂᑦ ᐊᓐᓂᐊᖃᖏᑦᑐᓕᕆᓂᕐᒥᒃ ᖃᓄᐃᓕᐅᕈᓐᓇᕐᓂᕐᒥᒃ, ᓂᕈᐊᕐᓂᐊᕐᒪᑕ ᓵᓚᒃᓴᕐᓂᐊᖅᑐᓂᒃ. ᓵᓚᒃᓴᖅᑐᑦ ᐊᑐᓂ ᐊᕕᒃᑐᓯᒪᓂᖏᓐᓂ ᑐᓂᔭᐅᓂᐊᖅᑐᑦ ᓂᐅᕕᕈᑎᒃᓴᓂᒃ ᓂᐅᕐᕕᕐᕕᖕᒥ ᓄᐊᑐᓐᑯᓐᓂᒃ ᑯᐊᐸᒃᑯᓐᓂᒡᓗᓐᓂᑦ ᒪᑯᓂᖓ ᐊᑭᖃᖅᑐᓂᒃ: ᓯᕗᓪᓕᐅᔪᑦ ᓵᓚᒃᓴᖃᖅᑐᑦ $300; ᑐᒡᓕᕆᔭᐅᔪᑦ ᓴᓚᒃᓴᖃᖅᑐᑦ $200; ᐱᖓᔪᒋᔭᐅᔪᑦ ᓵᓚᒃᓴᖃᖅᑐᑦ $100; ᐱᐅᔪᓂᖏᓐᓄᓪᓗ ᐅᖃᐅᓯᐅᔪᑦ $50.

ᖃᐃᑕᐅᓂᖏᑦ ᐆᒃᑐᕈᑎᑦ ᓇᖕᒥᓂᖅ ᐅᕙᑦᑎᓐᓄᑦ

ᐃᖃᓗᖕᒥᐅᑕᐅᒍᕕᑦ, ᐆᒃᑐᕈᑎᒋᔭᐃᑦ ᐊᒡᔭᖅᑕᐅᔪᓐᓇᖅᐳᖅ ᐃᓴᒃᓯᒪᒋᑦ ᐃᓅᓯᕐᒧᑦ ᑲᑐᔾᔨᖃᑎᒋᖏᓐᓄᑦ, ᓯᕗᓪᓕᕐᒥ ᖁᓚᓂ ᓇᑎᖃᕐᓂᖓ ᑕᐃᑲᓂ ᐃᒡᓗᐊᓗᐊᓂ ᐳᕋᐅᓐ ᐃᒡᓗᖁᑎᖓᓂ ᖃᖃᔮᒥ (W.G. Brown Building-ᒥ) ᖃᐅᔨᓴᑦᑎᐊᕐᓂᐊᕐᐳᑎᑦ

ᓚᖃᕆᐊᖃᕐᓂᖏᓐᓂᒃ ᐊᑎᓕᐅᖅᓯᒪᔪᓂᒃ ᑕᑕᑎᕆᐊᓕᖕᓂᒃ ᐃᓚᐅᖃᑕᐅᓂᕐᓄᑦ ᑐᓂᓯᔾᔪᑎᓂᒃ,

ᑐᔪᐃᖔᕈᒪᒍᕕᑦ ᑎᑎᖃᕐᓂᐊᕐᕕᒃᑯᑦ, ᑕᒪᕐᒥᒃ ᑐᔪᕐᓂᐊᖅᐸᑎᑦ ᐆᒃᑐᕈᑎᑎ (ᐃᒧᓯᒪᑦᑕᐃᓕᓗᒋᑦ) ᐃᓚᖃᕆᐊᖃᕐᓂᖏᓐᓂᒃ ᐊᑎᓕᐅᖅᓯᒪᔪᓂᒃ ᑕᑕᑎᕆᐊᓕᖕᓂᒃ ᐃᓚᐅᖃᑕᐅᓂᕐᓄᑦ ᑐᓂᓯᔾᔪᑎᓂᒃ, ᑐᔪᖅᑕᐅᓗᑎᒃ ᐅᕗᖓ:
Embrace Life Council Art Contest
ᐃᓴᒃᓯᒪᒋᑦ ᐃᓄᓯᕐᒧᑦ ᑲᑎᒪᔨᑦ ᓴᓇᐅᒐᓕᐊᓂᒃ ᓴᓚᒃᓴᕐᕕᐅᓂᐊᖅᑐᑦ
P.O. Box ᑎᑎᖃᕐᓂᐊᕐᕕᒃ 2259
Iqaluit, NU ᐃᖃᓗᐃᑦ, ᓄᓇᕗᑦ
X0A 0H0

ᐊᐱᖁᑎᒃᓴᖃᕈᔅᓯ, ᑐᑭᓯᓂᐊᑦᑎᐊᒃᑲᓐᓂᕈᒪᒍᔅᓯᓗᓐᓂᑦ, ᐊᑏᑐᖅ ᐅᕙᑦᑎᓐᓄᑦ ᖃᕆᑕᐅᔭᒃᑯᑦ ᑎᑎᕋᕐᓂᐊᐳᓯ ᑎᑎᖃᖅᑖᑲᐅᑎᒋᕕᒃᑎᓐᓄᑦ ᐅᕙᓂ embracelife@inuusiq.com ᐅᕝᕙᓗᓐᓂᑦ ᐅᖃᓚᓗᑎᑦ ᐅᕗᖓ 867.975.3233.

——–

ᐊᑐᒐᒃᓴᐃᑦ:

ᐃᓵᒃᓯᒪᒋᑦ ᐃᓅᓯᕐᒧᑦ ᑲᑐᔾᔨᖃᑎᒌᑦ ᓄᓇᕗᒻᒥ ᑐᓴᖅᑎᑦᑎᕗᑦ ᐱᔾᔪᑎᖃᖅᑐᓂᒃ ᐊᕐᕋᒍᑕᒪᖅ ᐃᓱᒪᑯᑦ ᖃᓄᐃᖏᓐᓂᕐᒧᑦ ᐱᓇᓱᐊᕈᓯᕐᒥ ᓴᓇᐅᒐᓕᐊᓂᒃ ᓵᓚᒃᓴᕐᕕᐅᓂᐊᖅᑐᓂᒃ
ᑎᑭᓴᕐᓗᒍ ᑎᑎᖃᖃᕐᕕᒃ ᓴᓇᓯᒪᔪᖅ PDF-ᒥᒃ: 2017 Art Contest-Inuktitut.pdf

ᐃᓵᒃᓯᒪᒋᑦ ᐃᓅᓯᕐᒧᑦ ᑲᑐᔾᔨᖃᑎᒌᑦ ᓄᓇᕗᒻᒥ ᓴᓇᐅᒐᓕᐊᓂᒃ ᓵᓚᒃᓴᕐᕕᐅᓂᐊᖅᑐᓂᒃ ᖃᐅᔨᑎᑦᑎᔾᔪᑎᓂᒃ ᑕᑕᑎᕆᐊᓕᑦ ᐊᒻᒪᓗ ᑐᓂᓯᔭᕐᓂᒃ ᓴᓇᐅᒐᓕᐊᕐᓂᒃ ᓴᑯᐃᔾᔪᑎᓂᒃ
ᑎᑭᓴᕐᓗᒍ ᑎᑎᖃᖃᕐᕕᒃ ᓴᓇᓯᒪᔪᖅ PDF-ᒥᒃ: ELC 2017 Art Contest Entry Release-Inuktitut.pdf

Embrace Life Council of Nunavut announces its annual Mental Health Week Art Contest
ᑎᑭᓴᕐᓗᒍ ᑎᑎᖃᖃᕐᕕᒃ ᓴᓇᓯᒪᔪᖅ PDF-ᒥᒃ: 2017 Art Contest.pdf

Embrace Life Council Art Contest Information Form and Release
ᑎᑭᓴᕐᓗᒍ ᑎᑎᖃᖃᕐᕕᒃ ᓴᓇᓯᒪᔪᖅ PDF-ᒥᒃ: ELC 2017 Art Contest Entry Release.pdf