PT_5922

ᑭᖑᓪᓕᖅᐹᕆᔭᐅᕙᒃᑐᖅ ᐊᒥᓱᓄᑦ ᐃᓄᖕᓄᑦ ᓂᕆᐅᒋᔭᐅᕙᒃᑐᖅ ᐱᔾᔪᑎᖃᖅᑐᖅ ᐃᓅᔾᔪᑎᒃᓴᐃᕈᑎᓯᒪᓇᓱᒋᓕᒃᓂᖅ. ᑭᓯᐊᓂ ᐃᓱᒪᖃᑦᑕᓕᕈᕕᑦ ᐃᖕᒥᓃᕈᒪᓂᕐᒥᒃ, ᖃᐅᔨᒪᓂᐊᖅᐳᑎᑦ ᐃᓅᑑᖏᓐᓇᕕᑦ. ᐃᓚᖏᓐᓂᒃ ᓈᓴᖅᑕᐅᓯᒪᔪᓂ, ᐊᒥᓱᑎᓂᖃᖅᑎᒋᔪᑦ ᓲᕐᓗ ᐊᑕᐅᓯᖅ, ᐱᖓᓲᔪᖅᑐᓂᒃ 6−ᖑᔪᓂᒃ ᐃᓄᖕᓂ ᐃᖕᒥᓃᕈᒪᓕᓕᖅᐸᒃᑐᖅ ᐃᓅᓯᕐᒥᓂᒃ ᖃᖓᑐᐃᓐᓇᖅ.

ᐃᓚᖏᑦ ᐱᒻᒪᕆᐊᓗᐃᑕᐅᖅ ᓱᓕᔪᑦ ᖃᐅᔨᒪᔭᐅᖁᖕᒥᔭᒃᑲ ᐃᓕᖕᓄᑦ

ᐃᖕᒥᓃᕈᒪᓂᕐᒥᒃ ᐃᓱᖃᕐᓂᖅ ᐱᔾᔪᑎᒋᖃᕋᔪᒃᐳᖅ ᐊᑲᐅᖏᓕᐅᑕᐅᔪᓂᒃ ᐃᑲᔫᑕᐅᔪᓐᓇᖅ ᑐᒐᓗᐊᓂᒃ.

ᐱᒻᒪᐊᓗᖕᓂᒃ ᓄᒫᓱᐃᓇᓕᕐᓂᕐᒧᑦ ᑎᑭᑕᐅᓯᒪᓂᖅ, ᖁᒃᓴᓱᐃᓐᓇᓕᕐᓂᕐᒥᒃ ᐊᔪᓕᕈᑎᖃᖅᓯᒪᓂᖅ, ᐋᖓᔮᕐᓇᖅᑐᓂᒃ ᐊᑐᕆᐊᖃᐃᓐᓇᓕᕐᓂᖅ, ᐊᓯᖏᓐᓂᒡᓗ ᓈᒻᒪᒍᓃᕈᑕᐅᔪᓐᓇᖅᑐᓂᒃ ᓴᕿᑎᑦᑎᔾᔪᑕᐅᕙᒃᑐᑦ ᐱᒻᒪᕆᐊᓗᖕᓂᒃ ᐃᓗᒃᑯᑦ ᐊᒃᓱᕈᕐᓇᖅᑐᒃᑰᕈᑕᐅᓂᖅ. ᐊᔪᓕᖅᕈᑕᐅᕙᖕᒥᔪᑦ ᐊᑲᐅᖏᓕᐅᕈᑎᒋᔭᐅᔪᓄᑦ ᐊᖀᕙᓪᓕᐊᔪᓐᓇᖃᑦᑐᕐᓂᕐᒧᑦ. ᑭᓯᐊᓂ ᖃᐅᔨᒪᔭᕆᐊᖃᖅᐳᑎᑦ ᑕᐃᒃᑯᐊ ᖃᐅᔨᓴᖅᑕᐅᓯᒪᔪᓂᒃ ᓴᕿᑎᑦᑎᓯᒪᓂᖏᓐᓂᒃ ᐊᒥᓲᓂᖅᓴᒻᒪᕇᑦ ᐃᓄᐃᑦ ᐃᑲᔪᖅᑕᐅᓯᒪᑦᑎᐊᖅᑐᑦ ᐱᐅᓯᕙᓪᓕᖅᐸᒃᑐᑦ ᐅᕝᕙᓗᓐᓃᑦ ᖃᓄᐃᑦᑐᓃᑦᑎᐊᖅᐸᒃᑐᑦ. ᐃᑲᔪᖅᑕᐅᖃᑦᑖᓂᒃᑲᓗᐊᕈᕕᓪᓗᓐᓃᑦ, ᖃᐅᔨᒪᔭᕆᐊᖃᖅᑐᑎᑦ ᐊᔾᔨᒌᖏᑦᑑᑎᐅᔪᓂᒃ ᐃᑲᔪᖅᑕᐅᔾᔪᑎᖃᖅᑐᑦ ᐱᐅᓂᖅᓴᐅᖃᑦᑕᕐᒪᑕ ᐊᓯᖏᓐᓄᑦ ᐃᓄᖕᓄᑦ, ᐊᔾᔨᒌᖏᑦᑐᓃᑦᑐᓂᒃ. ᐊᒥᓱᐃᖅᑕᖅᑕᐅᓪᓗᑎᒃ ᐆᒃᑐᕋᖅᑕᐅᔭᕆᐊᖃᓲᖑᖕᕗᑦ ᓈᒻᒪᖕᓂᐊᖅᑐᓂᒃ ᐋᖀᐅᒪᔭᐅᔪᒃᓴᐃᑦ ᐊᑐᖅᑕᐅᓂᐊᖅᑐᑦ ᖃᐅᔨᔭᐅᔪᓐᓇᖅᓯᓚᐅᖏᓐᓂᖏᓐᓂᒃ.

ᐊᔪᓕᕈᕕᑦ ᖃᓄᐃᓕᐅᕈᑎᒃᓴᖃᕈᓐᓇᕐᓂᖅ ᐊᓯᐊᓂᒃ ᐃᖕᒥᓃᕈᒪᓂᖅ, ᖃᓄᐃᓕᐅᕈᑎᒃᓴᐃᕈᑎᓯᒪᖏᒃᑲᓪᓗᐊᖅᑐᑎᑦ ᑭᓯᐊᓂ ᒫᓐᓇᐅᔪᖅ ᑕᑯᔪᓐᓇᖏᑦᑐᐃᓐᓇᖅᑐᑎᑦ ᖃᓄᐃᓕᐅᕈᑎᒃᓴᖃᕋᓗᐊᕐᓂᕐᒥᒃ.

ᖃᓄᐃᑦᑐᓐᓃᖅᓰᓂᕐᒧᑦ ᐅᖃᒃᕕᒃᓴᐃᑦ ᐊᒻᒪ ᐃᑲᔪᖅᑏᑦ (ᐃᓛᓐᓂᒃᑯᓪᓗ ᐱᖃᑎᐊᓗᒋᕙᒃᑕᕗᑦ) ᐃᓕᖕᓂᒃ ᐃᑲᔪᕈᓇᖅᑐᑦ ᑕᑯᔪᓐᓇᖅᓯᑎᑦᑎᓂᖅ ᖃᓄᐃᓕᐅᕈᑎᒋᔪᓐᓇᖅᑕᕐᓂᒃ ᖃᓄᐃᓕᐅᕈᑕᐅᔪᓐᓇᖅᑐᓂᒃ ᐃᓕᖕᓄᑦ ᓴᕿᐅᒪᔪᔭᖏᑦᑎᐊᖅᑑᒐᓗᐊᓂᒃ.

ᐃᖕᒥᓃᕈᒪᓂᕐᒧᑦ ᑐᐊᕕᕐᓇᖅᓯᔪᑦ ᖃᖓᓕᒫᑲᓴᒃ ᑕᐃᒪᐃᑐᐃᓐᓇᑲᐃᓐᓇᓲᖑᔫᒐᓗᐊᑦ.

ᖁᕕᐊᓱᒍᓐᓃᖅᓯᒪᓃᑦ ᐃᓱᓕᓚᐅᖅᓯᒪᓂᐊᖅᑐᔮᕈᓐᓂᕋᓗᐊᖅᑎᓪᓗᒍ, ᐱᒻᒪᕆᐊᓘᕗᖅ ᐃᓕᑕᖅᓯᓯᒪᔪᓐᓇᕐᓂᖅ ᐊᔪᕐᓇᖅᓯᓯᒪᔪᔮᕐᓂᖏᑦ ᐃᓱᓕᕝᕕᒃᓴᖃᓲᖑᒐᓗᐊᕆᕗᑦ. ᖃᓄᐃᓕᐅᕈᑎᒃᓴᐃᑦ ᓴᕿᑎᑕᐅᓲᖑᖕᒪᑦ, ᐃᒃᐱᒋᔭᐅᔪᓪ ᓗ ᐊᓯᖑᓲᖑᓗᑎᒃ, ᓂᕆᐅᒋᔭᐅᓚᐅᖏᑦᑐᑦ ᐱᐅᔫᑏᑦ ᓴᕿᓕᖅᐸᒃᑐᑦ. ᐃᖕᒥᓃᖃᑦᑕᕐᓂᖅ ᐃᓛᓂᒃᑯᑦ ᑕᐃᔭᐅᕙᒃᑐᖅ “ᖃᖓᓕᒫᒧᑦ ᖃᓄᖅᑑᕈᑕᐅᓂᖅ ᐊᑲᐅᖏᓕᐅᕈᑕᐅᔪᒧᑦ ᐊᓂᒍᕈᓐᓇᕐᒥᔫᒐᓗᐊᒧᑦ.” ᐃᖕᒥᓃᖅᑕᐃᓕᒋᑦ ᐊᖅᓵᖅᑕᐅᓗᑎᒃ ᐱᐅᓂᖅᓴᖅᑕᖃᕐᓂᐊᕐᒥᔪᓂᒃ ᐃᓅᓯᕐᓂᒃ, ᐱᕕᒃᓴᖃᖅᑎᑦᑎᒍᕕᑦ ᐊᓂᒍᑎᒋᐊᒃᑲᓐᓂᕈᓐᓇᕐᓂᖅ ᐊᑯᓂᐅᓂᖅᓴᖅ.

ᐊᑲᐅᖏᓕᐅᕈᑎᒋᓕᖅᑕᕗᑦ ᖃᖓᓕᒫᑲᓴᑦᑎᐊᖅ ᐊᖏᓂᖅᓴᐅᓲᖑᕗᑦ ᓴᕿᕋᑖᕐᓂᖏᓐᓂ.

ᐱᓕᕆᕝᕕᖕᓂᒃ/ᐃᖃᓇᐃᔮᕆᔭᕐᓂᒃ ᔭᒐᐃᓂᖅ/ᐱᓯᒪᔪᓐᓃᕐᓂᖅ, ᑮᓇᐅᔭᓂᒃ ᐊᔪᖅᓴᕈᑎᖃᕐᓂᖅ, ᐱᒻᒪᕆᐅᓚᐅᖅᑐᖅ ᐃᖕᒥᓄᑦ ᐃᓅᑉ ᐃᓄᔪᓐᓃᕐᓂᖓᓄᑦ − ᑕᒪᕐᒥᒃ ᐊᒃᓱᕈᕐᓇᑑᒃᑰᕈᑕᐅᕙᒻᒪᑕ ᑲᑕᒍᑕᐅᕙᒃᑐᑦ ᐱᕙᓪᓕᐊᓕᓂᖏᓐᓂ ᐊᑐᓕᓵᕐᓂᖏᓐᓂ. ᑭᖑᓂᐊᒍᑦ, ᑕᖅᑭᒐᓴᐅᓕᖅᑐᓂ, ᐊᕐᕋᒍᒐᓴᐅᓕᖅᑐᓂᓗ, ᒥᑭᓐᓂᖅᓴᐅᔪᔮᓕᖅᐸᒃᑐᑦ ᐊᒻᒪᓗ ᐊᐅᓚᑕᐅᔪᓐᓇᖅᓯᓪᓗᑎᒃ. ᐃᓛᓐᓂᒃᑯᑦ, ᐅᕙᑦᑎᓐᓂᒃ ᑕᐅᑐᖑᐊᖅᓱᑕ, “ᑕᓪᓕᒪᓂᒃ ᐊᕐᕋᒍᓂᒃ ᐊᓂᒍᖅᓯᒪᓕᖅᑐᓂᒃ” ᐃᑲᔪᕐᓂᖃᕈᓐᓇᖅᑐᖅ ᐊᑲᐅᖏᓕᐅᕈᑎᒋᔭᕗᑦ ᒫᓐᓇᐅᔪᖅ ᓱᒃᑯᓯᒪᔾᔪᑕᐅᔪᔮᖅᑐᑦ, ᐊᓂᒍᕐᓂᐊᕐᒥᔪᑦ, ᑲᔪᓰᓐᓇᕈᓇᕐᓂᐊᕐᒥᔪᒍᑦ.

ᐃᓅᔾᔪᑕᐅᓂᕐᒧᑦ ᐱᔾᔪᑕᐅᔪᑦ ᐃᑲᔪᕈᓐᓇᕐᒪᑕ ᐃᓄᖕᓂᒃ ᐊᓐᓂᐊᖅᑐᓄᑦ.

ᖃᐅᔨᒪᔭᐅᑦᑎᐊᖅᑐᖅ ᐃᓱᒪᓕᕆᔨᐅᔪᖅ ᐊᑕᐆᓯᖅᓱᓂ ᖃᐅᔨᓴᓚᐅᖅᓯᒪᓐᓂᕐᒪᑦ ᓇᑦᓰᑦ ᔾᔮᒪᓃᑦ ᑎᒍᔭᐅᓯᒪᕕᕕᓂᖏᓐᓂᒃ ᔾᔪᖑᔪᓂᒃ ᐃᓄᖕᓂᒃ ᐃᓅᖏᓐᓇᓚᐅᖅᑐᓂᒃ ᑐᖁᕋᖅᑕᐅᕝᕕᖕᓃᓕᖅᑎᓪᓗᒋᑦ, ᖃᐅᔨᓚᐅᖅᑐᖅ ᑕᐃᒃᑯᐊ ᐃᓅᖏᓐᓇᕐᓂᑯᐃᑦ ᐅᖃᐅᓯᖃᕋᔪᓚᐅᕐᓂᖏᓐᓂᒃ ᓴᖏᔪᓂᒃ ᐅᒃᐱᕆᔭᕐᓂᖅ ᓱᓇᑦ/ᑭᓱᑦ ᐱᒻᒪᕆᐅᖕᒪᖔᑕ ᐃᓅᓯᕐᒥᓂ. ᐃᒡᕕᑦᑕᐅᖅ, ᓴᖏᓂᖅᑖᕈᓐᓇᕐᕆᕗᑎᑦ ᐃᓅᓯᕐᓄᑦ, ᐃᓱᒪᒃᓴᖅᓯᐅᕈᑎᖃᕈᓐᓇᕈᕕᑦ ᖃᓄᖅ ᑲᔪᓰᓐᓇᕈᓐᓇᓚᐅᕐᒪᖔᖅᐱᑦ ᐊᒃᓱᕈᕐᓇᖅᑐᒃᑰᕐᓂᕐᓂᒃ ᐃᓅᓯᕆᓯᒪᔭᕐᓂᒃ. ᐃᓚᒌᑦ ᐊᑕᖃᑎᒌᖕᓂᖏᑦ, ᐅᒃᐱᕐᓂᖏᑦ, ᓇᒡᓕᖕᓂᖃᕐᓂᖏᑦ ᓴᓇᔭᐅᓯᒪᕙᒃᑐᓂᒃ ᐱᐅᓯᑐᖃᕐᓂᒡᓗ ᓯᓚᒥ ᓄᓇᒥᓗ, ᓯᕗᓂᒃᓴᒥᓗ ᐱᔪᓐᓇᕈᒫᓂᕐᒥᔭᑦᑎᓐᓂᒃ, ᐃᓚᒋᔭᐅᒐᓛᑐᐃᓐᓇᖅᐳᑦ ᐃᓅᓯᕐᒧᑦ ᑐᑭᖃᕈᑕᐅᕙᒃᑐᑦ ᐊᒻᒪᓗ ᖁᔭᓕᔾᔪᑕᐅᕙᒃᑐᑦ, ᑭᓯᐊᓂ ᐊᒃᓱᕈᕐᓇᖅᑐᒃᑰᕐᓂᑦᑎᓐᓂᒃ ᐃᖃᐅᒪᔪᓐᓃᖃᑦᑕᕐᒥᔭᕗᑦ.

ᐃᖕᒥᓃᕈᒪᓂᕐᒥᒃ ᐃᓱᒪᓕᕈᕕᑦ ᐃᓕᖕᓃᓐᓇᖅ ᐱᓯᒪᑦᑕᐃᓕᑭᑦ

ᐃᑲᔪᖅᑕᐅᔪᓐᓇᑦᑎᐊᕋᕕᑦ, ᐃᑲᔪᖅᑎᒃᓴᖃᖅᑐᖅ, ᐱᖃᑎᐊᓗᖕᓂᒡᓗᓐᓃᑦ, ᓴᐃᒻᒪᖅᓴᐃᔨᒻᒪᕆᖕᒥᒡᓗᓐᓃᑦ, ᐅᒃᐱᕐᓂᓕᕆᔨᐅᖃᑕᐅᔪᒥᒡᓗᓐᓃᑦ. ᓇᓂᓯᓗᑎᒃ ᐃᓄᖕᒥᒃ ᓱᓕᔪᕆᔭᕐᓂᒃ. ᖃᐅᔨᑎᓪᓗᒍᓗ ᖃᓄᖅ ᐱᐅᔪᓐᓃᖅᓯᒪᑎᒋᖕᒪᖔᖅᐱᑦ. ᑕᒪᓐᓇ ᓯᕗᓪᓕᕆᔪᓇᕋᕕᐅᒃ ᐊᑯᖅᑎᒋᓂᐊᓕᖅᑕᕐᓄᑦ ᒪᒥᓴᕐᓂᕐᒧᑦ.

ᒪᒃᐱᒐᕐᒧᑦ ᒪᓕᒃᑐᒧᑦ ᑲᔪᓯᓕ: ᓇᓗᓇᐃᒃᑯᑕᐃᑦ ᐅᓪᓗᖃᑦᑎᐊᖏᑦᑐᓐᓇᕐᓂᕐᒧᑦ