2008−ᖑᑎᓪᓗᒍ, ᓄᓇᕗᑦ ᒐᕙᒪᒃᑯᖏᑦ, ᓄᓇᕗᑦ ᑐᓐᖓᕕᒃᑯᑦ, ᐃᓵᒃᓯᒪᒋᑦ ᐃᓅᓯᕐᒧᑦ ᑲᑎᒪᔩᑦ ᐊᒻᒪᓗ ᐸᓖᓯᒃᑯᑦ/ᐳᑭᖅᑕᓕᒃᑯᑦ ᐃᓚᒌᒋᐊᓕᓚᐅᖅᑐᑦ ᓴᕿᑎᑦᑎᓕᖅᓱᑎᒃ ᓄᓇᕗᒻᒥ ᐃᖕᒥᓃᖅᑎᑦᑎᑕᐃᓕᒪᓂᕐᒧᑦ ᖃᓄᐃᓕᐅᕈᑎᒃᓴᓂᒃ.

BTS_9

ᑕᐃᒪᖓᓂᒃ, ᐃᓚᒌᒃᑐᑦ ᑖᒃᑯᐊ ᕿᒥᕐᕈᐊᖃᑦᑕᖅᓯᒪᔪᑦ ᓴᕿᑎᑕᐅᔪᓐᓇᖅᓯᓯᒪᔪᓂᒃ ᖃᐅᔨᓴᖅᑕᐅᔪᓂᒃ ᐊᒥᓱᓂᒃ ᑐᑭᓯᓂᐊᕐᕕᐅᓯᒪᔪᓂᒃ, ᑐᑭᓯᓂᐊᕐᓂᖏᓐᓂᒃ ᖃᓄᐃᓕᐅᕈᑕᐅᔪᓐᓇᖅᑐᓂᒃ ᐊᒥᓲᖏᓐᓂᖅᓴᐅᓕᕈᑕᐅᔪᓐᓇᖅᑐᓂᒃ ᐃᖕᒥᓃᖅᐸᒃᑐᓂᒃ ᑕᐃᒫᑦᓴᐃᓐᓇᖅ ᐊᓯᒥᑎᑐᑦ ᓄᓇᓕᖕᓂ ᐊᐅᓚᑦᑎᕕᐅᖕᒥᔪᓂ. ᑐᑭᓯᓂᐊᕐᕕᖃᖅᓯᒪᔪᑦ ᓄᓇᕗᒥᐅᓂᒃ ᓴᕿᑎᑦᑎᓚᐅᖅᓱᑎᒃ ᐅᖃᐅᓯᒃᓴᖃᕈᑎᒃᓴᓂᒃ ᑎᑎᖃᓂᒃ, ᓄᓇᓕᖕᓂ ᑐᑭᓯᓂᐊᕐᕕᖃᖃᑦᑕᓚᐅᕐᓂᖅ, ᐊᒻᒪᓗ ᑐᕌᖓᑎᑦᑎᓪᓗᑎᒃ ᐅᖃᐅᓯᐅᑎᑦᑎᓂᖅ ᑕᒪᐃᓐᓄᑦ ᐱᒻᒪᕆᐅᔪᑦ ᐃᓚᒋᔭᐅᔭᕆᐊᖃᖅᑐᓄᑦ ᐱᔾᔪᑎᖃᖃᑕᐅᔪᓂᒃ ᐃᖕᒥᓃᖅᑎᑦᑎᑕᐃᓕᒪᔪᓇᕐᓂᕐᒥᒃ.

ᖃᓄᐃᓕᐅᕈᑎᒃᓴᖏᑦ ᓴᕿᑕᐅᓯᒪᓕᖅᑐᑦ ᐱᔾᔪᑎᖃᖅᑐᑦ ᑲᑎᖅᓱᖅᑕᐅᓯᒪᓂᖏᑦ ᒪᕐᕉᖕᓄᑦ ᐊᕐᕋᒎᖕᓄᑦ ᐱᓇᓱᐊᕐᓂᖅ ᐱᐅᓂᐹᖑᔪᓐᓇᖅᑐᓂᒃ ᐊᑐᖅᑕᐅᔪᓐᓇᖅᑐᓂᒃ ᐃᖕᒥᓃᖅᑎᑦᑎᑕᐃᓕᒪᖃᑕᕐᓂᕐᒥᒃ ᓄᓇᕗᒻᒥ. ᐱᒋᐊᕈᑎᖃᓚᐅᖅᑐᖅ ᐃᓚᒌᒃᑐᑦ ᑕᐅᑐᒐᕆᔭᒥᓂᒃ ᐃᓱᒪᒋᓯᒪᔭᖏᓐᓂᒃ ᖃᓄᐃᖏᓐᓂᖅᓴᐅᖁᔨᓕᕐᓂᖅ ᓄᓇᕗᒻᒥ − ᑕᐅᑐᒐᕆᔭᐅᔪᑦ ᑕᐃᒃᑯᐊ ᒪᓕᒐᕆᔭᐅᓕᓚᐅᖅᑐᑦ ᐱᕙᓪᓕᐊᔾᔪᑕᐅᓂᖏᓐᓄᑦ ᑕᒪᕐᒥᑦᑎᐊᖅ ᑖᒃᑯᓇᓃᖃᑕᐅᓕᖅᑐᓂ ᖃᓄᐃᓕᐅᕈᑎᒃᓴᓂ. ᕿᒥᕐᕈᐊᕈᑕᐅᓚᐅᕐᒥᔪᑦ ᒫᓐᓇᐅᔪᖅ ᖃᓄᐃᓕᖓᓂᖏᓐᓂᒃ, ᐊᑐᖅᑕᐅᖃᑦᑕᖅᓯᒪᔪᓂᒡᓗ ᐊᒻᒪᓗ ᐅᓪᓗᒥᐅᓕᖅᑐᖅ ᐊᑐᖅᑕᐅᕙᓕᖅᑐᓂᒃ ᐱᔾᔪᑕᐅᕙᒃᑐᓂᒃ ᐃᖕᒥᓃᕈᑕᐅᖃᑕᐅᕙᑦᑐᓄᑦ ᐊᒻᒪᓗ ᐃᖕᒥᓃᕐᓂᕐᒧᑦ ᐊᑐᖅᑕᐅᓗᐊᕈᑕᐅᕙᓐᓂᖏᓐᓄᑦ. ᑕᒪᒃᑯᐊ ᖃᐅᔨᒪᔾᔪᑎᒃᓴᐃᑦ ᑐᖓᕕᐅᓕᓚᐅᖅᑐᑦ ᐅᖃᐅᓯᒃᓴᐅᓂᖏᓐᓄᑦ ᖃᓄᐃᓕᐅᕈᑎᒃᓴᐅᓂᐊᓕᖅᑐᓄᑦ ᐊᒻᒪᓗ ᐃᓚᒋᔭᐅᒻᒪᕆᖕᓂᐊᖅᑐᓄᑦ ᑕᐃᒃᑯᓂᖓ, ᐊᒻᒪᓗ ᐊᒃᓱᕈᕐᓇᕈᑕᐅᕙᓐᓂᖏᓐᓂᒃ ᐊᓂᒎᑕᐅᔭᕆᐊᖃᖃᑦᑕᓚᐅᖅᑐᓂᒃ ᐊᒻᒪᓗ ᓴᖏᔪᒥᒃ ᐊᓯᔾᔨᑭᑕᖏᑦᑐᒥᒃ ᐱᓕᕆᑦᑎᐊᕈᒪᐃᓐᓇᕐᓂᖏᓐᓂᒃ ᐃᓚᒌᓕᖅᓯᒪᔪᑦ.

2014−ᒥ, ᓄᓇᕗᒻᒥ ᐃᖕᒥᓃᖅᑎᑦᑎᑕᐃᓕᒪᓂᕐᒧᑦ ᖃᓄᐃᓕᐅᕈᑎᒃᓴᓄᑦ ᐃᓚᒌᓕᖅᑐᑦ ᑐᓴᖅᑎᑦᑎᓕᓚᐅᖅᑐᑦ ᐊᑕᐅᓯᕐᒥᒃ ᐊᕐᕋᒍᒥᒃ ᐅᖓᕙᕆᐊᖅᑎᑦᑎᓂᖏᓐᓂᒃ ᓯᕗᓪᓕᖅᐹᕆᔭᐅᓂᖏᓐᓂᒃ ᐱᓕᕆᐊᒃᓴᕆᔭᐅᔪᒃᓴᓂᒃ ᓄᓇᕗᒻᒥ ᐃᖕᒥᓃᖅᑎᑦᑎᑕᐃᓕᒪᓂᕐᒧᑦ ᖃᓄᐃᓕᐅᕈᑎᒃᓴᓂᒃ ᐊᒻᒪᓗ ᐱᓕᕆᐊᕆᔭᐅᓂᖏᓐᓄᑦ ᐸᕐᓇᐅᑎᖏᓐᓂᒃ.

“ᐋᕿᔭᕐᓂᖅᑐᖃᖏᓚᖅ ᑕᒪᑐᒧᖓ ᑐᐊᕕᕐᓇᖅᑐᐊᓘᓕᖅᑎᒧᑦ, ᑭᓯᐊᓂ ᑐᓐᖓᕕᒃᑯᑦ ᐃᓚᒌᒃᑐᓪᓗ ᑖᒃᑯᓇᓂ ᖃᓄᐃᓕᐅᕈᑎᒃᓴᓕᐊᕆᔭᐅᓯᒪᓕᖅᑐᓂ ᖃᐅᔨᒪᔪᑦ ᐱᕕᒃᓴᖃᑦᑎᐊᒃᑲᓐᓂᕆᐊᖃᕐᓂᖏᓐᓂᒃ ᑐᑭᓯᓂᐊᑦᑎᐊᕆᐊᖃᕐᓂᕐᒧᑦ ᐱᓕᕆᐊᒃᓴᓄᑦ ᐸᕐᓇᐅᑎᒃᓴᐃᑦ, ᐃᓕᑦᑎᕕᒋᓗᒋᓪᓗ ᖃᓄᑎᒋ ᐱᓕᕆᐊᖑᓯᒪᖕᒪᑕ ᐊᒻᒪᓗ ᐊᑐᓕᖅᑎᑕᐅᔭᕆᐊᖃᕐᓂᖏᓐᓄᑦ ᑕᒪᒃᑯᐊ ᐱᒻᒪᕆᐅᔪᑦ ᖃᐅᔨᒪᔾᔪᑎᒃᓴᐃᑦ ᐱᓕᕆᐊᕆᓂᐊᖅᑕᑦᑎᓐᓄᒃ ᐊᑐᓕᖅᑎᑦᑎᕙᓕᐊᓕᕈᑦᑕ ᑕᒪᐃᓐᓂᒃ ᖃᓄᐃᓕᐅᕈᑎᒃᓴᓂᒃ. ᑕᒪᓐᓇ ᐃᓚᒌᒃᓱᕐᓂᖅ ᐱᑕᖃᕆᐊᖃᒻᒪᕆᒃᐳᖅ. ᑲᔪᓰᓐᓇᕐᓂᐊᖅᑐᖅ ᑭᓯᐊᓂ ᓇᓂᓯᔪᓐᓇᖅᓯᒍᑦᑕ ᐊᑑᑎᖃᕈᓐᓇᕐᓂᐊᖅᑐᓂᒃ ᖃᓄᐃᓕᐅᕈᑎᒃᓴᓄᒃ ᒥᑭᒡᑎᕈᑕᐅᔪᓐᓇᕐᓂᐊᖅᑐᓂᒃ ᐃᖕᒥᓃᖃᑦᑕᕐᓂᕐᒧᑦ ᓄᓇᕗᒻᒥ,” ᐅᖃᓚᐅᖅᑐᖅ ᑕᐅᑐᓐᖏ.

“ᓯᕗᓪᓕᐅᑎᑕᐅᔪᖅ ᑕᒪᓐᓇ ᓄᓇᕗᑦ ᒐᕙᒪᑯᖏᓐᓄᑦ ᐃᓚᒋᔭᖏᓄᓪᓗ, ᐱᓕᕆᖃᑎᒌᖏᓐᓇᕆᐊᖃᕐᓂᖏᑦ, ᑲᑐᔾᔨᖃᑎᒌᑦᑎᐊᕐᓗᑎᒃ ᖃᓄᐃᓕᐅᕈᑕᐅᓂᕐᒧᑦ ᐃᖕᒥᓃᖃᑦᑕᕐᓂᖅ,” ᐅᖃᓚᐅᖅᑐᖅ ᐋᓐᓂᐊᖃᖏᑦᑐᓕᕆᓂᕐᒧᑦ ᒥᓂᔅᑕᖓᑦ, ᒫᓂᑲ ᐃᐅᓪ. “ᐱᒻᒪᕆᐊᓘᕗᖅ ᓄᓇᕗᒻᒥᐅᓄᑦ ᐊᒃᓱᕉᑎᖃᖅᑐᓂᒃ ᓄᒫᓱᐃᓐᓇᓕᕐᓇᖅᐸᖕᓂᕐᒥᒃ ᑎᑭᑕᐅᓯᒪᓕᕋᐃᒻᒪᑕ ᐊᒻᒪᓗ ᐅᐃᕆᓯᒪᓕᖃᑕᕐᓂᕐᒥᒃ ᓄᖃᕈᓐᓇᐃᓕᓯᒪᓂᖅ, ᐃᑲᔪᖅᑎᖃᕈᓐᓇᕆᐊᖃᕐᒪᑕ ᐊᒻᒪᓗ ᑐᑭᓯᐊᔭᐅᔪᓐᓇᖃᑦᑕᕆᐊᖃᕐᓱᑎᒃ ᐃᓚᒥᓄᑦ, ᐱᖃᑎᐊᓗᒃᑯᖏᓐᓄᑦ ᐊᒻᒪᓗ ᓄᓇᓕᖕᓂ ᓯᕗᓪᓕᐅᖅᑎᖏᓐᓄᑦ.”

“ᐱᓂᐊᕐᓂᖃᖅᐳᒍᑦ ᐱᓕᕆᖃᑎᖃᐃᓐᓇᕈᒪᓂᖅ ᐃᓚᒋᔭᑦᑎᓐᓂᒃ ᓄᓇᕗᐅᒥᓂᓗ, ᐊᑐᓕᖅᑎᑦᑎᕙᓪᓕᐊᓂᕐᒧᑦ ᖃᓄᐃᓕᐅᕈᑎᒃᓴᓕᐊᓂᒃ, ᑕᐅᑐᒐᕆᔭᕗᓪᓗ ᑎᑭᐅᒪᔭᐅᖁᓪᓗᒍ ᓄᓇᕗᒻᒥ ᐃᖕᒥᓃᖅᐸᖕᓂᖏᑦ ᓇᓕᒧᒋᔭᐅᑐᐃᓐᓇᓕᕐᓗᑎᒃ ᐊᑦᑎᓂᖅᓴᐅᓗᑎᒡᓗᓐᓃᑦ ᑲᓇᑕᓕᒫᒥ, ᑕᐃᒪᓐᓂᒃ,” ᐅᖃᓚᐅᖅᑐᖅ ᐃᓵᒃᓯᒪᒋᑦ ᐃᓅᓯᕐᒧᑦ ᑲᑎᒪᔩᑦ ᐊᖓᔪᖄᖓᑦ, ᓵᓄᓚ ᖃᐅᓐᓇᖅ.

ᐸᓖᓯᒃᑯᑦ/ᐳᑭᖅᑕᓕᒃᑯᑦ ᐱᓂᐊᕐᓂᖃᕐᒪᑕ ᐱᓕᕆᖃᑎᖃᑦᑎᐊᕈᒪᓂᖅ ᐃᓚᒌᖕᓂᑎᑦᓂᒃ ᓄᓇᓕᓕᒫᓂᒡᓗ. ᐊᒥᓲᑎᒋᓂᖏᑦ ᐃᖕᒥᓃᖅᐸᒃᑐᑦ ᓄᓇᕗᒻᒥ ᑲᔪᓰᓐᓇᕐᒪᑕ, ᐊᒻᒪᓗ ᑭᓯᐊᓂ ᑐᑭᓕᐅᖅᑕᐅᓗᑎᒃ ᐊᑐᓕᖅᑎᑕᐅᓗᑎᒡᓗ ᑐᑭᖃᑦᑎᐊᕐᓂᐊᖅᑐᑦ ᑲᔪᓯᑎᑕᐅᒍᓐᓇᖅᑐᓪᓗ ᑕᒪᐃᓐᓄᑦᑎᐊᖅ ᖃᓄᐃᓕᐅᕈᑎᒃᓴᐃᑦ ᐋᖀᒍᑎᒃᓴᐃᓪᓗ, ᐃᑲᔪᕈᓐᓇᕐᓂᐊᖅᑐᒍᑦ ᑕᐃᒃᑯᓂᖓ ᐃᑲᔪᖅᑕᐅᒋᐊᓕᖕᓂᒃ,” ᐅᖃᓚᐅᖅᑐᖅ ᐊᖓᔪᖄᖓᑕ C/Supt ᑐᒡᓕᕆᔭᖓᑦ, ᓕᓐᓯ Bᐅᕋᐃᓐ.

ᑕᐃᒪᖓᓂᒃ ᐱᒋᐊᓕᓵᓚᐅᖅᓱᑎᒃ ᐱᓕᕆᐊᖑᓂᐊᖅᑐᓂᒃ ᖃᓄᐃᓕᐅᕈᑎᒃᓴᓄᑦ ᐸᕐᓇᐅᑎᓂ, ᐃᓚᒌᑐᑦ ᖃᓄᐃᓕᐅᕈᑎᖃᖅᓯᒪᓕᖅᑐᑦ ᖃᐅᔨᒪᔭᐅᔭᕆᐊᓕᖕᓂᒃ ᐊᒥᒐᓗᐊᕐᓂᖏᓐᓂᒃ ᐊᒻᒪᓗ ᐱᔨᑦᑎᕋᐅᑎᒃᓴᑎᒍᑦ ᐊᒥᒐᓗᐊᕐᓂᖏᓐᓂᒃ ᐱᔾᔪᑎᖃᖅᑐᓂᒃ ᐃᓱᒪᒃᑯᑦ ᖃᓄᐃᖏᑦᑐᓐᓇᕐᓂᕐᒧᑦ ᐊᒻᒪᓗ ᐃᖕᒥᓃᖅᑎᑦᑎᑕᐃᓕᒪᔪᓐᓇᕐᓂᕐᒧᑦ ᓄᓇᕗᒻᒥ. ᐊᒻᒪᓗᑕᐅᖅ ᐊᖏᔪᒥᒃ ᐱᕙᓪᓕᐊᖃᑦᑕᖅᓯᒪᓕᖅᐳᑦ

ᒪᒃᐱᒐᕐᒧᑦ ᒪᓕᒃᑐᒧᑦ ᑲᔪᓯᓕ: ᑕᕐᕆᔮᒃᓴᐃᑦ ᓇᐃᑦᑑᑏᑦ