ᑲᓇᑕᒥᐅᑦ ᑲᑐᔾᔨᖃᑎᒌᖏᑦ ᐃᖕᒥᓃᖅᑎᑦᑎᑕᐃᓕᒪᓂᕐᒧᑦ ᐅᓗᕆᐊᓇᕈᓐᓇᕐᓂᖏᑦ ᐊᒻᒪᓗ ᓴᐳᓐᓂᐊᕋᓱᐊᕐᓂᕐᒧᑦ ᐱᔾᔪᑕᐅᕙᓐᓂᖏᑦ ᑎᑎᕋᖅᑕᐅᓯᒪᔪᑦ ᐃᑲᔫᑕᐅᕙᑦᑐᑦ ᐱᓕᕆᔨᓂᒃ ᓇᓗᓇᐃᖅᓯᒍᓐᓇᕐᓂᖅ ᐃᖕᒥᓃᖅᑐᖃᑐᐃᓐᓇᕆᐊᖃᓕᖅᑐᒥᒃ.

suicide-prevetion

ᐅᓗᕆᐊᓇᕈᑕᐅᔪᓐᓇᖅᑐᑦ ᐱᔾᔪᑕᐅᔪᓐᓇᖅᑐᑦ ᐃᓱᒪᒋᔭᐅᔪᓐᓇᕐᒪᑕ ᐱᔾᔪᑎᓪᓚᕆᐅᓂᖅ ᐅᕝᕙᓗᓐᓃᑦ ᐃᓚᒋᔭᐅᓂᖅ ᐃᖕᒥᓃᕈᒪᓂᕐᒧᑦ. ᑕᒪᓐᓇ ᑐᑭᓯᖃᖅᑐᖅ ᐃᓄᐃᑦ “ᑎᒍᒥᐊᖅᑐᑦ” ᐅᓗᕆᐊᓇᕈᑕᐅᔪᓐᓇᖅᑐᓂᒃ ᐱᓂᖅᓴᐅᔪᒥᒃ ᐃᖕᒥᓃᕈᓐᓇᕐᓂᕐᒥᒃ ᐱᐅᓯᖃᕐᓂᖅᓴᐅᔪᓐᓇᖅᑐᑦ. ᓴᐳᓐᓂᐊᖅᑕᐅᔾᔪᑏᑦ ᐱᑕᖃᕐᓂᖏᑦ, ᐃᒡᓗᐊᒍᖔᖅ, ᐊᑐᖏᓗᑕᐅᓂᖅᓴᐅᔪᓐᓇᖅᑐᑦ ᐃᖕᒥᓂᕈᓐᓇᕐᓂᕐᒧᑦ. ᑕᐃᒃᑯᐊ ᓴᖏᓂᖃᕈᑕᐅᕙᖕᒪᑕ ᐊᓂᒎᑎᔪᓐᓇᕐᓂᕐᒧᑦ ᐃᑲᔪᕐᓂᖃᕈᓐᓇᖅᓱᑎᒡᓗ ᓇᓕᒧᒌᓕᖅᑎᑦᑎᔪᓐᓇᕐᓂᕐᒥᒃ ᐅᖓᑕᓅᓪᓗᓐᓃᑦ ᐅᓗᕆᐊᓇᕐᓂᖏᓐᓂᒃ ᐱᔾᔪᑕᐅᓕᕈᓐᓇᖅᑐᓂᒃ.

ᑭᓯᐊᓂᓕᑦᑕᐅᖅ, ᐊᒃᑐᖅᑕᐅᓯᒪᔪᓐᓇᕐᓂᖏᑦ ᐃᓚᖏᓐᓄᑦ ᐅᓗᕆᐊᓇᕈᑕᐅᔪᓄᑦ ᐱᔾᔪᑕᐅᔪᓐᓇᖅᑐᓄᑦ, ᑐᑭᓯᓇᑦᑎᐊᖅᑐᒥᒃ ᒥᑭᒡᓕᑎᖅᑕᐅᔪᓐᓇᖅᑐᑦ ᓄᖃᖓᑎᑕᐅ ᒋᐊᕐᓗᑎᒃ ᓲᕐᓗ ᐃᓱᐊᖅᓴᐅᑎᑐᖅᑎᑕᐅᔪᓐᓇᕐᒪᑕ ᐅᕝᕙᓗᓐᓃᑦ ᓴᖏᓂᖅᓴᐅᓕᖅᑎᑕᐅᒋᐊᕐᓗᑎᒃ ᐃᑲᔪᖅᑎᒋᔪᓐᓇᖅᑕᖏᑦ ᓄᓇᒥᓂ (ᑎᑎᕋᖅᑎᖏᑦ ᐅᑯᐊ (Baldessarini, Tando, & Hennen, 1999). ᐅᓗᕆᐊᓇᕈᑕᐅᔪᓐᓇᓂᖏᑦ ᐱᔾᔪᑕᐅᔪᑦ ᐊᓯᔾᔨᖅᑕᐅᓯᒪᔪᓐᓇᒃᑯᑎᒃ (ᓲᕐᓗ ᓯᕗᓂᐊᒍᑦ ᐃᖕᒥᓂᕌᓱᐊᓚᐅᖅᓯᒪᓂᖓᓂᒃ) ᑕᐃᒃᑯᐊ ᐊᑐᖅᑕᐅᔪ ᓇᕐᒥᔪᑦ ᐊᓯᔅᓯᓐᓄᑦ ᐅᓗᕆᐊᓇᕐᓂᖅᓴᒦᓐᓂᖏᓐᓂᒃ ᐃᖕᒥᓃᕈᓐᓇᕐᓂᖅ ᖃᖓᑐᐃᓐᓇᖅ ᐅᑎᕐᕕᐅᖃᑦᑕᕐᓂᖏᓐᓄᑦ ᐃᓱᒪᒃᑯᑦ ᓈᒻᒪᒍᓐᓃᖅᓯᒪᔪᓐᓇᕐᓂᕐᒧᑦ ᐅᕝᕙᓗᓐᓃᑦ ᐋᖓᔮᕐᓇᖅᑐᓂᒃ ᓈᒻᒪᒍᓐᓃᖅᓯᒪᔪᓂᒃ ᐅᕝᕙᓗᓐᓂᑦ ᐊᒃᓱᕈᕐᓇᖅᑐᒧᑦ ᑎᑭᑕᐅᓯᒪᓕᖅᑎᓪᓗᒍ ᐃᓅᓯᕐᒥᓂ (ᑎᑎᕋᖅᑕᖏᑦ ᐅᑯᐊ (Oquendo et al., ᐃᓚᖏᓪᓗ 1999).

ᓴᐳᓐᓂᐊᖅᑕᐅᓯᒪᔾᔪᑏᑦ ᐱᔾᔪᑕᐅᔪᓐᓇᖅᑐᑦ ᐊᒥᓲᕙᖕᒪᑕ ᐊᔾᔨᒌᖏᑦᑑᑎᐅᓪᓗᑎᒡᓗ, ᐃᓚᖃᕆᓪᓗᑎᒃ ᐃᓅᑉ ᖃᓄᖅ ᐃᓱᒪᖃᕐᓂᖓᓂᒃ ᐊᒻᒪᓗ ᐱᐅᓯᖃᓲᖑᓂᖓᓂᒃ, ᐊᒻᒪᓗ ᐱᔾᔪᑕᐅᔪᓐᓇᕐᓂᖏᓐᓂᒃ ᐊᕙᑎᖓᓃᑦᑐᑦ ᐃᓕᖅᑯᓯᑐᖃᕆᔭᐅᔪᓪᓗ (ᑎᑎᕋᖅᑕᖏᑦ ᐅᑯᐊ Plutchik & Van Praag, 1994). ᐃᓚᖏᑦ ᐱᒻᒪᕆᐅᓂᖅᐹᖑᔪᑦ ᐅᓗᕆᐊᓇᕈᑕᐅᕙᒃᑐᑦ ᐊᒻᒪᓗ ᓴᐳᓐᓂᐊᕈᑕᐅᔪᓐᓇᖅᑐᑦ ᐱᔾᔪᑕᐅᔪᑦ ᐊᑖᓂ ᐅᓂᒃᑳᖅᑕᐅᓯᒪᕗᑦ.

ᓴᐳᓐᓂᐊᕈᑕᐅᔪᓐᓇᖅᑐᑦ ᐱᔾᔪᑕᐅᔪᓐᓇᕐᓂᖏᑦ ᐃᖕᒥᓃᖅᑎᑦᑎᑕᐃᓕᒪᓂᕐᒧᑦ

  • ᐊᑑᑎᖃᑦᑎᐊᕈᓐᓇᖅᑐᓂᒃ ᐃᑲᔪᖅᑕᐅᕝᕕᖕᒥ ᑲᒪᒋᔭᐅᓂᖏᑦ ᐃᓱᒪᓕᕆᓂᕐᒧᑦ, ᑎᒥᒃᑯᑦ ᐊᒻᒪᓗ ᐋᖓᔭᓕᕐᓇᖅᑐᓂᒃ ᐊᑐᕐᓂᕐᓗᖃᑦᑕᕐᓂᕐᒧᑦ.
  • ᑕᑯᔭᐅᑲᐅᑎᒋᔪᓐᓇᕐᓂᖏᑦ ᐊᒥᓱᓄᑦ ᐊᔾᔨᒌᖏᑦᑑᑎᐅᔪᓄᑦ ᐃᑲᔪᖅᑕᐅᕝᕕᖕᓂ ᐋᓐᓂᐊᕐᕕᖕᓂᓗ ᓄᖃᖓᑎᑕᐅᒋᐊᕈᓐᓇᕐᓂᖏᑦ ᐊᒻᒪᓗ ᐃᑲᔪᖅᑕᐅᔪᓐᓇᕐᓂᖏᑦ ᓇᒧᑦ ᐃᑲᔪᖅᑕᐅᔭᖅᑐᕈᓐᓇᕐᓂᖅ
  • ᐊᔪᕐᓇᖅᑎᑕᐅᓂᖏᑦ ᑐᕈᓐᓇᕈᓐᓇᖅᑐᓂᒃ ᐱᔪᓐᓇᕐᓂᖓᑦ ᐃᖕᒥᓃᕈᑕᐅᔪᓐᓇᖅᑐᓄᑦ
  • ᓴᖏᔪᓂᒃ ᐊᑕᓂᖅ ᐃᓚᒥᓄᑦ ᓄᓇᓕᖕᓂᓪᓗ ᐃᑲᔪᖅᑎᐅᕙᒃᑐᓄᑦ
  • ᐃᑲᔪᖅᑕᐅᔪᓐᓇᕐᓂᖏᑦ ᑲᔪᓯᔪᓂᒃ ᐋᓐᓂᐊᕐᕕᖕᓄᑦ ᐊᒻᒪᓗ ᐃᓱᒪᓕᕆᔭᐅᕝᕕᖕᓄᑦ ᐃᑲᔪᖅᑕᐅᖃᑕᐃᓐᓇᕐᓂᖅ
  • ᐊᔪᖏᓐᓂᖃᕐᓂᖅ ᐊᑲᐅᖏᓕᐅᕈᑎᒋᔭᒥᓂᒃ ᖃᓄᐃᓕᐅᕈᑎᖃᕈᓐᓇᑦᑎᐊᕐᓂᖅ, ᓈᒻᒪᖏᓕᐅᕈᑎᖃᕐᓂᕐᒥᓂᒃ ᐊᖀᖃᑎᒌᑦᑎᐊᕈᓐᓇᕐᓂᖅ, ᐊᒻᒪᓗ ᐋᓐᓂᖅᑐᐃᖏᓪᓗᓂ ᐊᐅᓚᑦᑎᔪᓐᓇᕐᓂ ᐊᐃᕙᐅᑕᐅᔪᓂᒃ ᐊᖏᕈᑕᐅᔪᓐᓇᐃᓪᓕᔪᓂᓗᓐᓃᑦ
  • ᐃᓕᖅᑯᓯᑐᖃᕐᒥᒍᑦ ᐅᒃᐱᕐᓂᕐᒧᓪᓗᓐᓃᑦ ᓱᓕᔪᖅᓴᕐᓂᖅ ᐊᑐᖅᑕᐅᖁᔨᕙᖏᑦᑐᓂᒃ ᐃᖕᒥᓃᖃᑦᑕᕐᓂᕐᒥᒃ, ᐃᑲᔪᖅᓱᐃᖔᖅᓱᑎᒃ ᐃᖕᒥᓂᒃ ᐃᓅᖏᓐᓇᕆᐊᖃᕐᓂᕐᒥᒃ
  • ᑭᓯᐊᓂᑦᑕᐅᖅ, ᐱᐅᔫᑎᓂᒃ ᐊᑐᓕᖅᑎᑦᑎᑕᐃᓕᒪᔾᔪᑏᑦ ᐃᖕᒥᓃᕈᓐᓇᕐᓂᕐᒥᒃ ᐊᑐᖅᑕᐅᖏᓐᓇᕈᓐᓇᖏᒻᒪᑦ, ᑕᐃᒪᐃᓂᖏᓐᓄᓪᓗ ᐊᑐᒐᒃᓴᐃᑦ ᐃᑲᔫᑕᐅᓂᕐᒧᑦ ᓴᐳᓐᓂᐊᕈᑕᐅᔪᑦ ᐃᖕᒥᓃᖅᑎᑦᑎᑕᐃᓕᒪᓂᕐᒧᑦ ᑲᔪᑎᑕᐅᖏᓐᓇᕆᐊᖃᖅᐳᑦ.

ᐃᓅᑉ ᑎᒥᒃᑯᑦ ᐃᓱᒪᒃᑯᓪᓗ ᐃᓅᖃᑎᒌᒃᑐᓂᓗ ᐃᖕᒥᓃᕈᓐᓇᕐᓂᕐᒧᑦ ᐅᓗᕆᐊᓇᖅᑐᒦᔾᔪᑎᒋᔪᓐᓇᖅᑕᖏᑦ

  • ᐃᓱᒪᒃᑯᑦ ᓈᒻᒪᖏᓐᓂᖃᕐᓂᖅ, ᐱᓗᐊᖅᑐᒥᒃ ᐃᒃᐱᖕᓂᐊᔭᒥᓂᒥᒃ ᓈᒻᒪᒍᓐᓃᖅᓯᒪᓂᖅ, ᐱᐅᓯᑐᖃᕆᕙᓚᐅᖅᑕᕋᓗᐊᒥᓂᒃ ᐅᑎᕈᓐᓇᐃᓕᓯᒪᓂᖅ ᐃᓱᒪᒃᑯᑦ, ᖁᒃᓴᓱᐃᓐᓂᕐᒥᒃ ᐃᓱᒪᖃᓕᕐᓂᕐᒧᑦ ᓈᒻᒪᒍᓃᕐᓂᖅ ᐊᒻᒪᓗ ᐃᓚᖏᓐᓂᒃ ᑭᓇᐅᓂᕐᒥᓄᑦ ᓈᒻᒪᒍᓐᓃᖅᓯᒪᒍᓐᓇᕐᓂᖏᓐᓄᑦ
  • ᐃᒥᐊᓗᐃᓪᓗ ᐊᓯᖏᓐᓂᒡᓗ ᓱᕐᕋᓇᖅᑐᓂᒃ/ᐋᖓᔮᓕᕐᓇᖅᑐᓂᒃ ᐊᑐᕐᓂᕐᓗᖃᑦᑕᕐᓂᕐᒧᑦ ᓈᒻᒪᒍᓃᕈᑎᖃᕐᓂᖅ
  • ᓴᐱᓕᖅᓯᒪᓂᖅ
  • ᐃᓱᒪᒋᖄᓚᐅᕐᓇᒍ ᖃᓄᑐᐃᓐᓇ ᖅ ᐱᐅᓯᖃᓕᖃᑦᑕᕐᓂᖅ ᒫᓐᓇᑲᐅᑎᒋ ᖃᓄᐃᓕᐅᓕᖅᓱᓂᓗ ᐊᒻᒪᓗ/ᐅᕝᕙᓗᓐᓃᑦ ᓂᓐᖓᑳᓪᓚᐃᓐᓇᖅᓱᓂ ᐱᐅᓯᖃᐃᓐᓇᓕᕐᓗᓂ
  • ᐊᑐᖃᑦᑕᖅᓯᒪᓂᖅ ᐃᓅᓯᕐᒥᓂᒃ ᖁᐊᖅᓵᕐᓇᓗᐊᖅᑐᓂᒃ ᐅᕝᕙᓗᓐᓃᑦ ᐱᑦᑎᐊᖅᑕᐅᖃᑦᑕᖏᓂᖅ
  • ᐱᒻᒪᕆᐊᓗᖕᒥᒃ ᑎᒥᒃᑯᑦ ᐋᓐᓂᐊᕈᑎᖃᕈᓐᓇᕐᒥᔪᖅ ᐃᓛᓐᓂᒃᑯᑦ
  • ᓯᕗᓂᐊᒍᑦ ᐃᖕᒥᓃᕋᓱᐊᖅᓯᒪᓂᖅ
  • ᐃᓚᒌᖕᓂᖏᓐᓂᒃ ᐃᖕᒥᓂᖅᑐᖃᖅᓯᒪᔪᑦ

ᐊᕙᑎᒋᕙᒃᑕᖏᓐᓂ ᐅᓗᕆᐊᓇᕈᑎᖃᖅᑐᑦ ᐃᖕᒥᓃᕈᓐᓇᕐᓂᕐᒧᑦ

  • ᐱᓕᕆᐊᕆᓚᐅᖅᑕᒥᓂᒃ ᑮᓇᐅᔭᓂᒡᓗᓐᓃᑦ ᔭᒐᐃᓯᒪᓕᕈᓂ
  • ᐊᐃᑉᐸᕆᔭᒥᓂᒃ (ᓄᓕᐊᖅ, ᐅᐃᒃ, ᐱᖃᓐᓈᖅ) ᐃᓅᖃᑎᒥᓂᓗᓐᓂᑦ ᐱᖃᑎᖃᕈᓐᓇᐃᓕᒍᓂ
  • ᐱᑲᐅᑎᒋᔪᓐᓇᖅᑐᖅ ᐅᓗᕆᐊᓇᖅᑐᓂᒃ ᐃᓅᔪᓐᓃᕈᑎᒋᔪᓐᓇᖅᑕᖏᓐᓂᒃ
  • ᓄᓇᓕᖕᓂ ᐃᖕᒥᓃᖃᑦᑕᖅᓯᒪᓕᖅᑐᑦ ᐊᑕᐅᓯᐅᒐᑎᒃ ᑲᔪᓯᑎᑦᑎᒍᑕᐅᓕᖅᐸᒻᒥᔪᒃ ᐊᑐᓕᕈᑕᐅᕙᒻᒥᔪᓂᒃ ᐃᖕᒥᓃᖃᑕᐅᓂᕐᒧᑦ

ᐃᓅᖃᑎᒌᑐᓂ ᐃᓕᖅᑯᓯᑐᖃᖅᑐᓂᓗ ᐅᓗᕆᐊᓇᕈᑎᖃᕈᓐᓇᕐᒥᔪᑦ ᐱᔾᔪᑕᐅᓲᓂᒃ

  • ᐱᖃᖏᓐᓂᖏᑦ ᐃᓅᖃᑎᒌᖕᓂᖏᓐᓂ ᐃᑲᔪᖅᑎᐅᒍᓐᓇᖅᑐᑦ ᐊᒻᒪᓗ ᐃᑉᐱᓐᓂᐊᓕᕐᓂᖅ ᐃᓄᑑᓱᕆᓕᓂᖅ
  • ᖃᖑᒋᔭᐅᕙᓐᓂᖏᑦ ᐃᑲᔪᖅᑕᐅᒍᒪᓂᕐᒥᒃ ᐱᐅᓯᖃᕐᓂᖅ
  • ᐊᔪᕈᑕᐅᕙᑦᑐᑦ ᑕᑯᔭᐅᔪᓐᓇᕐᓂᖅ ᐋᓐᓂᐊᖅᑐᓕᕆᔨᓄᑦ, ᐱᓗᐊᖅᑐᒥᒃ ᐃᓱᒪᓕᕆᔨᐅᕙᒃᑐᓂᒃ ᐊᒻᒪᓗ ᐋᖓᔭᕐᓇᖅᑐᓂᒃ ᐊᑐᕐᓂᕐᓗᖃᑦᑕᖅᑐᓄᑦ ᐃᑲᔪᖅᑕᐅᕝᕕᖕᓂᒃ
  • ᐃᓚᖏᑦ ᐃᓕᖅᑯᓯᑐᖃᕆᔭᐅᔪᑦ ᐊᒻᒪᓗ ᐅᒃᐱᕆᔭᐅᔪᑐᖃᐃᑦ (ᓲᕐᓗ ᐆᒃᑑᑎᒋᓗᒍ, ᐅᒃᐱᕆᔭᖃᕐᓂᖏᑦ ᐃᖕᒥᓃᖅᐸᓐᓂᖅ ᐱᐅᔫᐊᓘᓂᖓᓄᒃ ᐊᖀᒍᑕᐅᓂᕐᒧᑦ ᓇᒻᒥᓂᖅ ᐃᓅᓯᕐᒥᓂᒃ ᐊᔪᓕᕈᑎᒋᓯᒪᔭᒥᓄᑦ)
  • ᖃᐅᔨᒪᓂᖅ/ᑕᑯᖃᑦᑕᖅᓯᒪᓂᖅ ᐃᖕᒥᓃᖅᓯᒪᔪᒃ, ᑕᐃᒃᑯᑎᒍᓇᓗᓐᓃᑦ ᑐᓴᒐᒃᓴᓕᐊᕆᔭᐅᕙᒃᑐᑎᒍᑦ, ᐊᒻᒪᓗ ᐊᑐᕈᒪᓕᖅᓯᒪᓂᖏᑦ ᐊᓯᒥᓂᒃ ᐃᖕᒥᓂᖅᓯᒪᔪᓂᒃᑕᐅᖅ

ᖃᐅᔨᒪᔾᔪᑎᒃᓴᐃᑦ ᐱᔾᔪᑎᖃᖅᑐᑦ ᐅᓗᕆᐊᓇᕈᑕᐅᔪᓐᓇᕐᓂᖏᓐᓂᒃ ᐊᒻᒪᓗ ᓴᐳᓐᓂᐊᕈᑕᐅᔪᓐᓇᕐᓂᖏᓐᓂᒃ ᐱᔾᔪᑕᐅᔪᓐᓇᖅᑐᑦ ᐃᖕᒥᓃᕋᓱᐊᖅᓯᒪᓂᕐᒧᑦ ᐱᑕᖃᖏᓐᓂᖅᓴᐅᓲᑦ ᓴᓂᐊᓂᒃ ᐃᖕᒥᓃᖅᓯᒪᔪᓂᒃ. ᑕᐃᒪᐃᓐᓂᖏᓐᓄᑦ, ᓱᓕ ᐅᖃᕈᓐᓇᖏᓚᒍᑦ ᓇᓗᓇᖏᑦᑐᒥᒃ ᑕᐃᒃᑯᐊ ᐅᓗᕆᐊᓇᕈᑕᐅᕙᓐᓂᖏᑦ ᐊᒻᒪᓗ ᓴᐳᓐᓂᐊᕈᑕᐅᕙᓐᓂᖏᑦ ᐱᔾᔪᑕᐅᓲᑦ ᐃᖕᒥᓃᕈᓐᓇᕐᓂᕐᒧᑦ ᐊᒻᒪᓗ ᑐᖁᔾᔪᑕᐅᕙᖏᑦᑐᓂᒃ ᐃᖕᒥᓂᒃ ᐋᓐᓂᖅᑐᐃᔾᔪᑏᑦ ᐊᔾᔨᒌᒍᓐᓇᓲᖑᖕᒪᖔᑕ.