ᐃᖕᒥᓃᖅᐸᖕᓂᖅ ᐊᑐᖅᑕᐅᕙᒃᐳᖅ ᖃᓄᑐᐃᓇᑦᑎᐊᖅ ᐅᑭᐅᖃᖅᑐᓂ, ᑮᓇᐅᔭᓕᐅᖅᓯᒪᑦᑎᐊᖅᑐᓂᒃ ᐊᔪᖅᓴᖅᑐᓄᑦ ᓱᒃᑰᔪᓄᑦ ᐊᒻᒪᓗ ᖃᓗᓈᖑᒐᓗᐊᕈᑎᒃ, ᐃᓅᒐᓗᐊᕈᑎᒃ, ᖃᓄᐃᑦᑐᑐᐃᓐᓇᓂᓗ ᐃᓅᖃᑕᐅᖕᒥᔪᓂ.

suicide-prevetion
  • 2013−ᖑᑎᓪᓗᒍ, 45-ᖑᓚᐅᖅᑐᑦ ᓄᓇᕗᒻᒥᐅᑦ ᐃᖕᒥᓃᓚᐅᖅᑐᑦ.
  • ᐃᖕᒥᓃᖃᑕᕐᓂᕐᒥᒃ ᓄᖃᖅᑎᑦᑎᖃᑦᑕᕈᓐᓇᖅᑐᒍᑦ. ᐊᒥᓲᓂᖅᓴᐅᕙᖕᒪᑕ ᐃᖕᒥᓃᕋᓱᐊᖅᓯᒪᔪᑦ ᐃᓅᔪᒪᕙᒃᑲᓗᐊᕐᒪᑕ ᑭᓯᐊᓂ ᓵᓚᐅᓕᖃᑦᑕᖅᑐᑦ ᓴᐱᓕᖅᓱᑎᒃ ᐃᓗᒃᑯᑦ ᐋᓐᓂᕐᓇᖅᑐᓂᒃ ᐃᒃᐱᖕᓂᐊᔭᒥᓂᒃ, ᐊᓯᐊᒍᓪᓗ ᑕᑯᒃᑲᓐᓂᕈᓐᓇᐃᓕᓯᒪᕙᒃᓱᑎᒃ ᖃᓄᐃᓕᐅᒃᑲᓐᓂᕈᓐᓇᕐᓂᕐᒥᒃ ᓴᐱᓕᖅᓯᒪᓗᐊᒧᑦ ᐊᒻᒪᓗ ᐃᖕᒥᓂᒃ ᐊᔪᓕᕋᓱᒋᓂᕐᒧᑦ.
  • ᐃᓄᐃᑦ ᐃᖕᒥᓃᖅᓯᒪᔪᑦ ᓴᕿᐅᒪᑎᑦᑎᓲᖑᔫᒐᓗᐊᑦᑕᐅᖅ ᐃᖕᒥᓃᕈᒪᓕᕐᓂᕐᒥᓂᒃ. ᑕᒪᓐᓇ ᐃᓚᒋᔭᐅᕗᖅ ᑕᐃᒪ ᐃᓕᓐᓂᐊᖅᓯᒪᔪᒪᖁᔨᓂᕐᒧᑦ ᐃᓕᑕᖅᓯᔪᓐᓇᕐᓂᖅ ᓇᓗᓇᐃᒃᑯᑕᕆᔭᐅᓕᖅᐸᒃᑐᓂᒃ ᐊᒻᒪᓗ ᖃᓄᐃᓕᐅᕈᑕᐅᒋᐊᕐᓂᖏᑦ ᐱᒻᒪᕆᐊᓘᓂᖏᓐᓄᑦ.
  • ᐅᖃᐅᓯᖃᖃᑦᑕᕐᓂᖅ ᐃᖕᒥᓃᓂᕐᒥᒃ ᐱᔾᔪᑕᐅᓲᖑᖏᓚᑦ ᐃᖕᒥᓃᕈᒪᔾᔪᑕᐅᓕᕐᓂᕐᒧᑦ ᐅᕝᕙᓗᓐᓃᑦ ᐅᓗᕆᐊᓇᕐᓂᖅᓴᐅᓕᕈᑕᐅᕙᖏᒥᔪᑦ. ᓴᕿᐅᒪᑎᑦᑎᕙᓐᓂᖅ ᐱᓪᓚᑦᑖᖅᑐᓂᒃ ᐃᓱᒪᓘᑎᖃᕐᓂᕐᒥᒃ ᐊᐱᖁᑎᒋᖃᑦᑕᕐᓗᒋᓪᓗ ᐃᖕᒥᓃᖃᑕᕐᓂᕐᒥᒃ ᐱᔾᔪᑎᓖᑦ ᓇᖕᒥᓂᖅ ᐃᓚᒋᔭᐅᒍᓐᓇᕐᒥᒻᒪᑕ ᓄᖃᖓᑎᑦᑎᑲᐅᑎᒋᒍᓐᓇᕐᓂᕐᒥᒃ.
  • ᐃᓄᖕᓂ ᑕᓪᓕᒪᐅᔪᓂᒃ ᓯᑕᒪᖏᑦ ᐃᓅᔪᓐᓃᖅᓯᒪᓕᖅᑐᑦ ᐃᖕᒥᓃᖅᓯᒪᓂᕐᒧᑦ ᐊᑕᐅᓰᕐᓱᑎᒃ ᐅᖓᑕᓃᒡᓗᓐᓃᑦ ᐃᖕᒥᓃᕋᓱᐊᖃᑦᑕᖅᓯᒪᒋᕗᑦ ᓯᕗᓂᐊᒍᑦ.
  • ᐃᖕᒥᓃᖃᑦᑕᕐᓂᖅ ᐊᑐᖅᑕᐅᕙᒃᐳᑦ ᖃᓄᑐᐃᓐᓇᑦᑎᐊᖅ ᐅᑭᐅᖃᖅᑐᓂ, ᐊᔪᖅᓴᖏᑦᑐᓂᓗ ᐊᔪᖅᓴᖅᑐᓂᓗ, ᐃᓄᖃᑎᒌᒃᑐᓂᓗ ᖃᓄᐃᑦᑐᑐᐃᓇᑦᑎᐊᓂᖅ ᓄᓇᕐᔪᐊᕐᒥᐅᑕᐅᓂᖏᓐᓂᒃ ᓇᓂ ᑭᒡᓕᖃᕋᑎᒃ.
  • ᐊᖑᑏᑦ ᐃᖕᒦᓂᖃᑦᑕᖅᓱᑎᒃ ᐃᓅᔪᓐᓃᖃᑦᑕᖅᐳᑦ ᑐᖁᓗᑎᒃ ᐱᖓᓱᐃᖅᑕᖅᓯᒪᑎᒋᔪᓂᒃ ᓴᓂᐊᓂ ᐊᕐᓇᓂᒃ ᑭᓯᐊᓂᓕᑦᑕᐅᖅ ᐊᒥᓲᓂᖅᓴᐃᑦ ᐊᕐᓇᐃᑦ ᐊᖑᑎᓂᒃ ᐃᖕᒥᓃᕋᔪᖕᓂᖅᓴᐅᓂᖃᖅᐳᑦ ᐱᖓᓱᐃᖅᑕᖅᓯᒪᑎᒋᔪᓂᒃ.
ᒪᒃᐱᒐᕐᒧᑦ ᒪᓕᒃᑐᒧᑦ ᑲᔪᓯᓕ: ᖃᓄᐃᓕᐅᕈᓐᓇᖅᐳᖓ?