ᖁᓕᓂᒃ ᑭᖑᓕᕇᒃᑑᑎᓂᒃ ᐱᓕᕆᐊᒃᓴᐃᑦ ᐅᓗᕆᐊᓇᖅᑐᖃᖏᑦᑐᓂᒃ/ᐊᑦᑕᓇᖅᑐᖃᖏᑦᑐᓂᒃ ᐊᕙᑎᖃᖅᑎᑦᑎᔪᓐᓇᕐᓂᕐᒧᑦ ᐊᑐᒐᒃᓴᓕᐊᕆᔭᐅᓯᒪᕗᑦ ᑎᒥᖁᑎᒋᔭᐅᔪᓄᑦ ᐊᒻᒪᓗ ᓄᓇᓕᖕᓄᑦ ᐃᑲᔫᑕᐅᓂᕐᒧᑦ ᐱᕙᓪᓕᐊᑎᑦᑎᔪᓐᓇᕐᓂᖅ, ᐊᑐᓕᖅᑎᑎᔪᓐᓇᕐᓂᖅ, ᓇᐅᑦᑎᖅᑐᖅᑕᐅᔪᓐᓇᕐᓂᖏᓐᓄᓪᓗ ᐱᓪᓚᕆᐅᔪᓐᓇᖅᑐᑦ ᖃᓄᐃᓕᐅᖅᑕᐅᔪᓇᖅᑐᑦ ᑐᕋᖓᔪᓄᑦ ᐊᑐᖅᑕᐅᑎᑦᑎᑕᐃᓕᒪᔪᓐᓇᕐᓂᕐᒧᑦ, ᐊᑐᖅᑕᐅᖏᓐᓂᖅᓴᐅᑎᑦᑎᔪᓇᕐᓂᕐᒧᑦ, ᒥᑭᒡᓕᑎᕆᔪᓐᓇᕐᓂᕐᒧᑦ ᐊᒻᒪᓗ ᖃᓄᐃᓕᐅᕈᑕᐅᔪᓐᓇᕐᓂᕐᒧᑦ ᐃᓅᖃᑎᒌᒃᑐᓂ ᐃᓚᒌᒃᑐᓂᓗ ᐋᓐᓂᖅᑑᑎᖃᑦᑕᕐᓂᕐᒥᒃ−ᑎᒥᒃᑯᑦ, ᐊᕐᓇᕐᓂᐊᖃᑦᑕᕐᓂᕐᒥᒃ/ᐊᖑᓐᓂᐊᖃᑦᑕᕐᓂᕐᒥᒃ, ᐃᓗᒃᑯᑦ ᐃᒃᐱᖕᓂᐊᓂᖏᓂᒃ ᐊᒻᒪᓗ ᐃᓱᒪᒋᔭᐅᖏᓐᓂᖏᓐᓂᒃ ᐊᑐᖅᑕᐅᕙᒃᑐᓂᒃ.

ᑕᒪᑯᐊ ᐊᑐᒐᓴᓕᐊᖑᓯᒪᔪᑦ ᐱᒻᒪᕆᐊᓘᕗᑦ ᐱᔾᔪᑕᐅᓪᓗᑎᒃ ᐃᓅᖃᑎᒋᒃᑐᓂᓗ ᐃᓚᒌᒃᑐᓂᓗᓐᓂᑦ ᐋᓐᓂᖅᑑᑎᖃᑦᑕᐅᑎᕙᖕᓂᖅ − ᐃᓄᐃᑦ ᐋᓐᓂᖅᓯᕙᖕᓂᖏᑦ ᐊᓯᒥᓂᑦ−ᐊᖏᔪᒥᒃ ᐊᑲᐅᖏᓕᐅᕈᑕᐅᕙᓂᖏᓐᓄᑦ ᓇᓂᑐᐃᓐᓇᖅ ᓄᓇᕐᔪᐊᕐᒥ ᐊᒻᒥᓱᓂᓗ ᑎᒥᖁᑎᒋᔭᐅᔪᓂ ᓄᓇᓕᖕᓂᓗ ᐊᑐᖅᑕᐅᖃᑕᕐᓂᖏᓐᓄᑦ.

ᐃᓗᒃᑯᑦ ᑎᒥᑯᓗᓐᓃᑦ ᐃᓱᒪᒃᑯᓗᓐᓃᑦ ᐊᓐᓂᖅᑐᐃᕙᖕᓂᕐᒥᒃ ᖃᓄᐃᓕᖓᓕᕈᑕᐅᕙᓐᓂᖏᑦ ᓱᕈᐃᕙᓪᓕᐊᔾᔪᑕᐅᕙᒃᑐᑦ ᐊᒻᒪᓗ ᓇᒻᒪᒍᓐᓃᕈᑕᐅᓪᓚᕆᒃᐸᒃᑐᖅ ᐃᓄᖕᓄᑦ, ᐃᓚᒌᒃᑐᓄᑦ, ᑕᒪᐃᓐᓄᓪᓗ ᐃᓄᖃᑎᒋᒃᑐᓄᑦ. ᖃᓄᐃᓕᐅᕈᑕᐅᔪᓪᓇᕐᓂᖏᓐᓄᑦ ᐊᓐᓂᖅᑐᐃᖃᑕᕐᓂᕐᒥᒃ, ᑲᑐᔾᔨᖃᑎᒋᖑᔪᓂᑦ ᑎᒥᖁᑎᒋᔭᐅᔪᓂᒃ ᐊᒻᒪᓗ ᓄᓇᓕᖕᓂ ᐱᒻᒪᕆᐊᓗᖕᓂᒃ ᐱᓕᕆᐊᖃᕈᑕᐅᕙᒃᐳᑦ.

ᓄᓇᔅᓯᓐᓂ ᑎᒥᖁᑎᒋᔭᔅᓯᓐᓂᓗᓐᓂᖅ ᐃᓕᓐᓂᐊᖅᑎᑕᐅᓇᔭᕈᔅᓯ ᐃᑲᔪᕐᓂᖃᕈᓐᓇᖅᐳᖅ ᓇᓗᓇᐃᔭᖅᑕᐅᔪᓐᓇᕐᓂᖏᓐᓄᑦ ᐅᓗᕆᐊᕈᑕᐅᔪᑦ/ᐊᑦᑕᕐᓇᕈᑕᐅᔪᓪᓗᓐᓃᑦ ᐊᒻᒪᓗ ᐊᒥᒐᖅᑐᖃᕐᓂᖏᓐᓄᖅ, ᐱᓕᕆᖃᑎᒋᒡᓗᑕ ᓴᕿᑎᔪᓐᓇᕋᔭᖅᑐᒍᑦ ᓄᓇᓕᖕᒥᐅᑕᓄᑦ ᓴᕿᑎᑕᐅᓯᒪᔪᓂ ᖃᓄᐃᓕᐅᕈᑎᒃᓴᖏᓐᓂᒃ ᑕᐃᒃᑯᓄᖓ ᐅᓗᕆᐊᓇᕈᑎᖃᖅᑐᓄᑦ/ᐊᑦᑕᕐᓇᖅᑐᖃᖅᑐᓄᑦ, ᓴᕿᑎᑎᓂᖅᓴᐅᔪᓐᓇᕐᓂᐊᑐᓂᒃ ᐅᓗᕆᐊᑐᖃᖏᑦᑐᓂᒃ/ᐊᑦᑕᕐᓇᖅᑐᖃᖏᑦᑐᓂ ᓄᓇᓕᖃᕈᓐᓇᕐᓂᖅ, ᓄᑕᕋᓐᓄᓪᓗ ᐃᓚᖏᓐᓄᓪᓗ ᖃᓄᐃᖏᓪᓗᑎᒃ ᓄᓇᒥᓂ.

ᖃᐅᔨᒋᐊᑦᑎᐊᒃᑲᓐᓂᕈᒪᒍᕕᑦ ᑖᒃᑯᓂᖓ ᐊᑐᐃᓐᓇᐅᑎᑕᐅᔪᓐᓇᑐᓂᒃ ᐃᓕᓐᓂᐊᕈᑎᒃᓴᓂᒃ ᐊᑐᐃᓐᓇᐅᔪᓐᓇᖅᑐᓂ, ᐅᕝᕙᓗᓐᓂᑦ ᐃᓕᓐᓂᐊᖅᑎᑕᐅᖁᔨᓇᔭᕈᕕᑦ ᓄᓇᔅᓯᓐᓂ ᑎᑭᑕᐅᓗᓯ, ᐊᑏᑐᖅ ᐅᖄᓚᓂᐊᖅᐳᓯ ᐅᕗᖓ 1-866-804-7278.

ᑐᑭᓯᒋᐊᑦᑎᐊᑲᓐᓂᕈᓐᓇᕐᒥᔪᑎᑦ ᑕᐃᒃᑯᓂᖓ ᖁᓕᓂ ᑭᖑᓕᕇᒃᑐᓂᒃ ᐱᓕᕆᐊᒃᓴᓂᒃ ᐅᓇ ᓇᕿᓪᓗᒍ.

ᒪᒃᐱᒐᕐᒧᑦ ᒪᓕᒃᑐᒧᑦ ᑲᔪᓯᓕ: ᒥᐊᓂᕆᔩᑦ ᓄᑕᕋᓂ