ᐱᔭᖁᑎᖃᖅᐸᖕᓂᖅ ᐋᓐᓂᕐᓇᖅᑑᓪᓗᓂ ᐊᑐᖅᑕᐅᓪᓚᑖᖅᐸᒃᑐᖅ ᐊᒥᓱᓂᖅᓴᐅᔪᓂ ᑲᓇᑕᒥᐅᑕᓂ ᓄᑕᕋᓂ ᐊᒻᒪᓗ ᒪᒃᑯᒃᑐᓂ, ᓄᓇᕗᑦᒥ ᑕᐃᒪᐃᓕᖓᖃᑕᐅᒋᓪᓗᑎᒃ.

bullying

ᐋᓐᓂᖅᑎᖅᑕᐅᖃᑦᑕᕋᓗᐊᕈᑎᒃ, ᐅᕝᕙᓗᓐᓂᑦ ᐋᓐᓂᖅᑐᐃᖔᖃᑦᑕᕈᑎᒃ, ᓄᑕᕋᐃᑦ ᐅᖃᐅᓯᖃᖁᔭᐅᓂᖏᑦ ᐃᓐᓇᕐᓄᑦ ᐱᔭᕆᔭᐅᕙᖕᓂᕐᒥᒃ ᐱᔾᔪᑎᖃᖅᑐᓂᒃ ᐊᔪᕐᓇᓈᕆᕙᖕᒪᒋᑦ. ᐃᓐᓇᕐᓄᑦ ᓄᖃᖓᑎᑕᐅᖃᑕᕈᑎᒃ ᐱᒻᒪᕆᐊᓘᕗᑦ ᐱᔮᕆᑎᑦᑎᖃᑦᑕᕈᓐᓃᕈᓐᓇᕐᓂᕐᒧᑦ; ᐊᖓᔪᖄᕆᔭᐅᔪᑦ ᓄᑕᕋᓄᑦ ᐃᓕᓐᓂᐊᖅᑎᑦᑎᔩᓪᓗ ᖃᐅᔨᒪᔭᕆᐊᖃᖅᑐᑦ ᐱᐅᓯᕆᔭᐅᕙᓕᖅᑐᓂᒃ ᐃᓗᒃᑯᓪᓗ ᐊᒃᓱᕈᕐᓇᖅᑐᒃᑰᖃᑕᕐᓂᖏᓐᓂᒃ ᐃᓚᖏᑦ ᓄᑕᕋᐃᑦ ᐱᔮᕆᔭᐅᕙᓐᓂᖏᓐᓄᑦ, ᐅᕝᕙᓗᓐᓃᑦ ᐊᑐᕐᓂᕐᓗᖃᑦᑕᓕᖅᑐᓂ ᓴᖏᓂᕐᒥᓂᒃ ᑲᑉᐱᐊᓵᕈᑎᒋᕙᒃᓱᒍ. ᑕᒪᑦᑕ ᐃᓚᒋᔭᐅᔭᕆᐊᖃᖅᑐᒍᑦ ᐱᔮᕆᔭᐅᑎᑦᑎᑕᐃᓕᒪᔭᕆᐊᖃᕐᓂᖅ, ᐃᓕᓐᓂᐊᕐᕕᖕᒥᓗᓐᓂᑦ, ᐱᓕᕆᕕᖕᒥᓗᓐᓃᑦ, ᓄᓇᓕᖕᓂᓗᓐᓃᑦ, ᐊᖏᕐᕋᕆᔭᐅᔪᒥᓗᓐᓃᑦ. ᑕᒪᑕᑦᑎᐊᖅ ᐃᓚᒋᔭᐅᔭᕆᐊᖃᖅᑐᒍᑦ ᖃᓄᐃᓕᐅᖅᑎᐅᖃᑕᐅᓗᑕ, ᑕᐃᒪᑐᖅ ᐅᕙᑦᑎᓐᓄᑦ ᐃᓚᓕᐅᑎᓂᐊᖅᐳᑎᑦ ᐱᓇᓱᐊᕐᓂᑦᑎᓐᓂᒃ “ᓄᖃᖓᑎᑦᑎᓂᖅ ᐱᔮᖁᑎᖃᖅᐸᖕᓂᕐᒥᒃ ᐊᓯᒥᓂᒃ, ᒫᓐᓇ! ᐱᔪᓐᓇᕋᑦᑕ, ᐅᖃᖃᑦᑕᕆᐊᖃᓕᖅᑐᒍᑦ ᓄᖃᖓᖁᔨᓂᕐᒥᒃ!

Bullying

ᓴᓇᔭᐅᑎᑦᑎᓚᐅᖅᑐᒍᑦ ᐱᖓᓱᓂᒃ ᓇᐃᓈᖅᑕᐅᓯᒪᔫᒐᓗᐊᓂᒃ ᑕᕐᕆᔭᐅᑎᓂᒃ ᐱᔾᔪᑎᖃᖅᑐᓂᒃ ᖃᕆᑕᐅᔭᒃᑯᑦ ᐱᔮᖁᑎᖃᖅᐸᓐᓂᕐᒥᒃ, ᑎᒥᒃᑯᑦ ᐱᔮᖁᑎᖃᖅᐸᖕᓂᕐᒥᒃ ᐊᒻᒪᓗ ᐃᓅᖃᑎᒌᒃᑐᓂᒃ ᐱᔮᖁᑎᖃᖅᐸᖕᓂᕐᒥᒃ, ᐊᒻᒪᓗ ᐊᑐᒐᒃᓴᓂᒃ ᓇᓗᓇᐃᒃᑯᑕᐅᔪᓐᓇᖅᑐᓂᒃ ᒪᓕᒐᒃᓴᓂᒃ ᐊᑐᖅᑕᐅᔪᓐᓇᖅᑐᓂᒃ ᐃᓕᓐᓂᐊᖅᑎᑦᑎᔨᓄᑦ ᖃᐅᔨᒪᑎᑦᑎᔪᓐᓇᕐᓂᖏᓐᓂᒃ ᒪᒃᑯᒃᑐᓂᒃ ᑕᒪᒃᑯᓂᖓ ᐊᒃᑐᓯᓴᕋᐃᑦᑐᓂᒃ ᐅᖃᐅᓯᐅᔪᓐᓇᕐᓂᖅ. ᐊᑐᒐᒃᓴᓂᒃ ᓇᓗᓇᐃᒃᑯᑕᓕᖕᓂᒃ ᒪᓕᒐᒃᓴᓂᒃ, ᓇᓂᓯᓂᐊᖅᑐᑎᑦ ᐱᓕᕆᐊᒃᓴᕆᔪᓐᓇᖅᑕᖏᓐᓂᒃ ᐃᓕᓐᓂᐊᖅᑐᑦ ᐊᒥᓱᒐᓴᖕᓂᒃ ᐊᔾᔨᒌᖏᑦᑑᑎᐅᔪᓂᒃ ᖁᕝᕙᓯᖕᓂᓕᖕᓂᒃ ᐃᓕᓐᓂᐊᖃᑕᐅᔪᑦ ᐊᒻᒪᓗ ᐋᕿᒋᐊᖅᑕᐅᓯᒪᔪᓇᕐᒥᔪᓂᒃ ᐱᕕᒃᓴᕆᔪᓐᓇᖅᑕᔅᓯᓐᓄᑦ ᒪᓕᖔᕐᓗᑎᒃ ᓱᖏᐅᑎᒋᐊᖅᑕᐅᓯᒪᔪᓐᓇᖅᓱᑎᒃ. ᐱᔫᒥᓴᐃᓲᖑᔪᒍᑦ ᐃᓕᖕᓂᒃ ᐃᓚᐅᑎᑦᑎᖃᑦᑕᖁᔨᓂᖅ ᐊᒥᓱᓂᒃ ᑕᒪᐃᓐᓂᒃ ᐃᓕᓐᓂᐊᕐᕕᖕᒦᖃᑕᐅᔪᓂᒃ ᐊᒻᒪᓗ ᓄᓇᓕᖕᓂᒃ ᑕᒪᒃᑯᐊ ᐱᔮᖁᑎᖃᖅᐸᓐᓂᕐᒥᒃ ᐊᓯᒥᓂᒃ ᖃᐅᔨᒪᔭᐅᑎᑦᑎᒋᐊᖁᔨᓂᕐᒧᑦ.

ᖃᐅᔨᓂᐊᖅᑐᑎᑦ ᑕᒪᕐᒥᒃ ᑕᕐᕆᔭᐅᓯᐊᑦ ᐊᑕᓯᕐᒥᒃ ᐃᓄᖕᓂᒃ ᐊᔾᔨᖃᖅᑐᐃᓐᓇᐅᓂᖏᓐᓂᒃ, ᑕᑯᖃᑦᑕᖅᑐᒥᒃ ᐱᔮᖁᑎᖃᖅᑐᓂᒃ. ᑕᐃᓐᓇ ᐃᓄᒃ ᐃᓚᒋᔭᐅᓕᖅᐸᑦᑐᖅ ᐱᔮᖁᑎᖃᖅᑐᓂᒃ ᐱᐅᓯᖃᖅᑐᓂᒃ, ᑭᓯᐊᓂ ᖃᓄᐃᓕᐅᖅᐸᖕᓂᖏᑦ (ᐱᔮᖁᑎᖃᕐᓂᕐᒧᑦ) ᐱᕙᓪᓕᐊᑐᐃᓐᓇᕐᓂᖓᓄᑦ, ᑕᐃᓐᓇ ᑐᑭᓯᕙᓪᓕᐊᓕᕐᓂᐊᖅᑐᖅ ᖃᓄᑎᒋ ᐊᒃᑐᖅᑕᐅᓯᒪᓲᖑᒻᒪᖔᑕ ᐃᓄᐃᑦ ᐱᔮᖁᑎᒋᔭᐅᕙᑦᑐᑦ, ᓯᕗᒻᒧᐊᒋᐊᓕᖅᓱᓂᓗ ᐃᓱᐊᓂ ᑕᕐᕆᔭᐅᑎᐅᑉ ᓄᖃᖓᖅᑎᑦᑎᒋᐊᕐᓂᕐᒥᒃ ᐱᔮᖁᑎᖃᖅᐸᒃᑐᓂᒃ ᐊᓯᒥᓂᒃ.

ᓯᕗᓪᓕᖅᐹᖑᔪᖅ ᑕᕐᕆᔭᐅᑎᒃᓴᖅ, ᑕᐃᔭᐅᔪᖅ “ᑕᒪᓐᓇ ᐃᔪᕐᓇᖅᑐᒃᓴᒪᐅᑕᐅᖏᓚᖅ”, ᐱᔾᔪᑎᖃᖅᑐᖅ ᖃᕆᑕᐅᔭᒃᑯᑦ ᐱᔮᖁᑎᖃᖅᐸᓐᓂᕐᒥᒃ. ᐱᔮᖁᑎᖃᖅᐸᒃᑐᓂᒃ ᖃᕆᑕᐅᔭᑯᑦ, ᐃᓄᐃᑦ ᐋᓐᓂᖅᓯᒐᓱᐊᕈᓐᓇᕐᒪᑕ ᐊᑐᖅᓱᑎᒃ ᖃᕆᑕᐅᔭᒃᑯᑦ ᐅᖓᓯᒃᑐᒦᑲᓗᐊᕐᓗᑎᒃ ᓴᕿᑎᑦᑎᔾᔪᑕᐅᔪᓐᓇᖅᐸᓕᖅᑐᓂᒃ ᑐᕌᒐᕆᔭᐅᔪᓄᑦ ᐱᔮᕇᔭᐅᔪᓄᑦ. ᑕᕐᕆᔭᐅᑎᓂ ᑕᑯᓂᐊᖅᑐᑎᑦ ᑕᐃᓐᓇ ᐊᑎᓕᒃ ᒪᕆᓴᒥᒃ ᐱᔮᕆᔨᐅᓂᖓᓂᒃ ᐊᒻᒪᓗ ᑭᐊᕙᓐᒥᒃ ᐱᔮᕆᖃᑦᑕᕐᓂᖓᓂᒃ. ᑕᐅᑐᓕᖅᓱᒍ ᑕᕐᕆᔭᐅᑦ, ᖃᐅᔨᔪᓐᓇᕐᓂᐊᖅᑐᑎᑦ ᖃᓄᖅ ᐊᒃᑐᖅᑕᐅᓯᒪᑎᒋᓂᐊᕐᒪᖔᑕ ᑕᒪᕐᒥᒃ ᑖᒃᑯᐊ, ᐱᔮᕆᔭᐅᓂᕐᒥᓂᒃ ᑭᐊᕙᓐ, ᐊᒻᒪᓗ ᑕᐃᔅᓱᒧᖓ ᒪᕆᓴᒧᑦ ᐊᓯᖏᓄᓪᓗ ᐃᓕᓐᓂᐊᖃᑕᐅᔪᑦ ᒥᑕᓗᖃᑕᐅᓕᖅᑐᑦ ᐃᒡᓗᕈᓯᖓᑕ ᐃᓕᐊᓐᓂᐊᕕᖓᑕ ᓯᓚᑖᓂ.

ᑐᒡᓕᕆᔭᐅᔪᒥ ᑕᕐᕆᓴᐅᓯᐊᕐᒥ, ᑕᐃᔭᐅᔪᖅ “ᐅᓪᓗᒥ ᓱᓇᐅᓕᖅᐸᑦ?” ᐱᔾᔪᑎᖃᖅᑐᖅ ᐊᒃᑐᖅᑕᐅᑎᒋᕙᓐᓂᖏᓐᓂᒃ ᑎᒥᒃᑯᑦ ᐱᔮᖁᑕᐅᕙᓐᓂᕐᒧᑦ. ᑕᕐᕆᔭᐅᑎᓂ ᑕᑯᓂᐊᖅᑐᑎᑦ, ᑕᐃᔅᓱᒥᖓ ᓈᓚᒥᒃ ᐱᔮᕆᔨᐅᓪᓗᓂ, ᐱᔮᕆᖃᑦᑕᖅᓱᓂᓗ ᔾᔨᐅᕆᒥᒥᒃ ᑐᕋᒐᕆᕙᒃᓱᓂᐅᒃ. ᑕᐅᑐᖕᓂᕐᓂᒃ, ᑕᑯᔪᓐᓇᕐᓂᐊᖅᑐᑎᑦ ᖃᓄᖅ ᐱᔮᖁᑕᐅᕙᖕᓂᖓᓄᑦ ᔾᔨᐅᕆᒥ ᐊᒃᑐᖅᑕᐅᓯᒪᓂᐊᕐᒪᖔᑦ.

ᑎᑭᑎᑦᑐᓇᖅᑕᑎᑦ ᑎᑎᖃᖏᑦ ᐱᔾᔪᑎᖃᖅᑐᓂᒃ ᐱᔮᖁᑎᖃᖃᑕᕐᓂᕐᒥᒃ ᐊᓯᒥᓂᒃ ᖃᐅᔨᒪᑎᑦᑎᒋᐊᕐᓂᕐᒧᑦ ᐱᓇᓱᐊᕈᓯᕐᒧᑦ ᓇᓗᓇᐃᒃᑯᑕᐃᑦ ᐊᑐᒐᒃᓴᐅᓂᕐᒧᑦ

ᒪᒃᐱᒐᕐᒧᑦ ᒪᓕᒃᑐᒧᑦ ᑲᔪᓯᓕ: RespectEd