ᐱᔾᔪᑎᓕᒃ 2: ᐃᑲᔪᕆᐊᕐᓂᖅ ᐅᖃᐅᓯᖃᖅᑐᖃᖅᑎᓪᓗᒍ ᐊᖑᑎᐅᓂᖓ ᐊᕐᓇᐅᓂᖓ ᒪᓕᑦᑐᒍ ᓂᙵᐅᔾᔭᐅᖃᑦᑕᕐᓂᕋᖅᑐᒥᒃ
When someone discloses to you that they have experienced gender based violence, whether recently or some time ago, it is important to recognize that a great deal of trust has been placed in you by the individual. As discussed earlier, there are many barriers to disclosure and the following section will help provide some elements of best practice as to how to respond. Again, if you work in an environment where responding to disclosure is a regular part of your job, please defer to the guidelines and protocols outlined by your place of work.
- ᐃᑉᐱᒍᓱᑦᑎᐊᕐᓂᖅ. ᐅᖃᐅᓯᖃᖅᑐᖅ ᖃᐅᔨᒪᔭᕐᓂᒃ ᐱᔾᔪᑎᖃᖅᑲᑦ, ᐱᔭᕆᐊᑐᒍᓐᓇᖅᑐᖅ ᐊᔾᔨᒋᙱᑕᖓᓂᒃ ᐱᐅᓯᖃᕐᕕᖃᕋᓱᓪᓗᓂ ᐅᕝᕙᓘᓐᓃᑦ “ᑐᙵᓇᕐᓂᕐᓴᐅᓗᓂ” ᑲᒪᒋᓇᓱᐊᕐᓗᒍ ᑐᓴᓚᐅᖅᑎᓪᓗᑎᑦ ᐅᖁᒪᐃᑦᑐᒃᑰᕈᑎᒋᓯᒪᔭᖓᓂᒃ, ᐃᑉᐱᓂᖅᑎᑦᑎᑲᒻᒪᒍᒪᙱᓗᐊᒧᑦ ᐃᓚᒍᑦᑎᐅᑎᒐᔭᖅᑐᒥᒃ. ᑭᓯᐊᓂᓕ, ᐃᑲᔫᑎᖃᕐᓂᕐᐹᖑᒐᔭᖅᑐᖅ ᑕᐃᒫᒃ ᓱᓕ ᐅᖃᖃᑎᒋᓗᒍ ᑕᐃᒫᒃ ᐅᖃᖃᑎᖃᐃᓐᓇᓲᖑᒐᕕᑦ, ᖃᐅᔨᓂᐊᕐᖓᑦ ᐊᑐᕐᓯᒪᔭᖓ ᓱᕐᕋᐃᖏᒻᒪᑦ ᐅᕝᕙᓘᓐᓃᑦ ᓄᖑᑎᑦᑎᖏᒻᒪᑦ ᖃᓄᖅ ᐃᓱᒪᒋᒻᒪᖔᕐᐱᐅᒃ ᑖᓐᓇ. ᐅᖃᐅᓯᖃᖅᑐᖃᕈᓐᓇᕐᖓᑦ ᖃᖓᑐᐃᓐᓇᑦᑎᐊᖅ, ᓇᒥᑐᐃᓐᓇᑦᑎᐊᖅ, ᐊᒻᒪᓗ ᑭᓇᑐᐃᓐᓇᐅᒍᓐᓇᖅᑐᓂ ᑕᑯᓚᐅᕐᓯᒪᙱᑎᐊᕐᓗᒍ. ᑐᙵᓇᕐᓂᖅ ᐊᒻᒪᓗ ᐃᑉᐱᒍᓱᓐᓂᖅ ᓱᕈᓯᖅᑎᑐᑦ ᐱᙱᓪᓗᒍ ᐱᐅᓂᕐᐹᖑᒐᔭᖅᑐᖅ, ᖃᓄᑐᐃᓐᓇᑦᑎᐊᖅ ᐃᓚᒋᒐᓗᐊᕈᕕᐅᒃ ᑖᓐᓇ ᐃᓄᒃ ᐃᓕᓐᓄᑦ ᐅᖃᖅᑐᖅ.
- ᐊᑦᑕᓇᖅᑐᒦᑦᑕᐃᓕᓂᖅ. ᐱᒻᒪᕆᐅᓂᕐᐹᖑᕗᖅ ᐊᓐᓇᔅᓯᒪᔪᖅ ᐊᖑᑎᐅᓂᖓ ᐊᕐᓇᐅᓂᖓᑕ−ᒪᓕᑦᑐᒍ ᓂᙵᐅᔾᔭᐅᓯᒪᔪᖅ ᐊᑦᑕᓇᙱᑦᑐᒥᒃ ᐃᓂᖃᖅᑎᑕᐅᑉᐸᑦ ᑕᐃᒫᒃ ᐅᖃᕈᓐᓇᓂᐊᕐᖓᑦ ᐊᒻᒪᓗ ᖃᐅᔨᒋᐊᕈᓐᓇᓂᐊᕐᖓᑦ ᑲᒪᔨᒋᓂᐊᖅᑕᖓᓂᒃ ᐃᑲᔪᖅᑎᒋᓂᐊᖅᑕᖓᓂᓪᓗ. ᖃᐅᔨᑎᓪᓗᒍ ᐅᖃᖃᑎᖃᕈᓐᓇᕋᕕᑦ ᐃᓄᑑᖃᑎᒋᓗᒍ, ᓂᐱᖃᙱᑦᑐᒥ ᑕᐃᒪᐃᒍᒪᑉᐸᑦ. ᖃᐅᔨᒪᑎᑦᑎᓗᑎᑦ ᐊᓯᔅᓯᓐᓄᑦ ᐅᓚᕕᑕᐅᒋᐊᖃᔾᔮᙱᓇᔅᓯ, ᐅᖃᐅᑎᙱᓪᓗᒋᑦ ᑭᓱᒥᒃ ᐱᔾᔪᑎᖃᕐᒪᖔᖅ. ᐊᔪᕐᓇᖏᑉᐸᑦ, ᐊᑲᐅᔪᒥ ᐃᓂᖃᕐᓗᓯᒃ ᐃᔅᕚᕐᕕᒋᓂᐊᖅᑕᓯᓐᓂᒃ ᓴᓂᓕᕇᓪᓗᓯᒃ, ᓲᕐᓗ ᐃᓅᓯᓕᕆᔪᓄᑦ ᐃᓪᓗᕈᓯᐅᕙᑦᑐᒥ ᐅᕝᕙᓘᓐᓃᑦ ᐳᓛᕐᕕᒻᒥ, ᑕᐃᒫᒃ ᑲᑉᐱᐊᓇᙱᓂᕐᓴᐅᓂᐊᕐᖓᑦ ᐊᓐᓇᔅᓯᒪᔪᒧᑦ (ᓵᙵᖃᑦᑕᐅᑎᙱᖔᕐᓗᓯᒃ ᓵᒦᓪᓗᑎᑦ, ᐆᑦᑑᑎᒋᓪᓗᒍ ᑕᐃᒫᒃ) ᑎᒥᐅᑉ ᐊᐅᓚᓂᖓ ᐱᒻᒪᕆᐅᒻᒥᔪᖅ ᐃᓱᒪᒋᒋᐊᕆᐊᓕᒃ. ᖃᐅᔨᒪᒋᐊᑦᑎᐊᕐᓗᑎᑦ ᑎᒦᑦ ᐋᖅᑭᓯᒪᓂᖓ ᓈᓚᓪᓚᕆᒃᑲᓗᐊᕐᒪᖔᕐᐱᑦ ᐅᖃᖃᑎᒌᓪᓗᓯᒃ, ᓵᙵᓗᒍ ᑖᓐᓇ ᐃᓄᒃ ᐊᒻᒧᑦ ᑕᑯᓐᓈᖏᓪᓗᒍ, ᐊᒻᒪᓗ ᑎᒥᓐᓂᑦ ᐊᖏᕐᓯᒪᙱᑐᖅᑎᑐᑦ ᐋᖅᑭᓯᒪᓂᖃᙱᓪᓗᑎᒃ ᓲᕐᓗ ᑕᓖᒃᑭᒃ ᒪᑐᓯᒪᓗᒋᒃ ᐅᕝᕙᓘᓐᓃᑦ ᕿᕕᖓᔪᕐᔫᔮᕐᓗᑎᑦ. ᓈᓚᑦᑎᐊᕐᓂᖅ, ᑕᐃᒫᒃ ᓇᓗᓇᐃᖅᑕᐅᓯᒪᒻᒪᑦ ᓇᓗᓇᐃᔭᑦᑎᐊᕐᓯᒪᓪᓗᓂ ᐊᑖᓂ, ᑖᓐᓇ ᐆᑦᑐᕋᖅᑕᐅᑲᓐᓂᖃᑦᑕᕆᐊᖃᕐᒥᔪᖅ.
- ᑐᓴᐅᒪᔭᐅᔭᕆᐊᖃᙱᓐᓂᖓ. ᖃᐅᔨᒪᑎᓪᓗᒍ ᑖᓐᓇ ᐃᓄᒃ ᖃᓄᑐᐃᓐᓇᑦᑎᐊᖅ ᐅᖃᐅᓯᖃᔾᔮᖏᓐᓇᕕᑦ ᐃᓕᓐᓄᑦ ᐅᖃᐅᓯᖏᓐᓂᒃ. ᑕᒪᓐᓇ ᑎᑎᕋᕈᑎᒋᔾᔮᓇᒍ ᓂᓪᓕᐊᓂᖓᓂ; ᐱᐅᓂᕐᓴᐅᒻᒥᔪᖃᐃ ᑕᒪᒃᑯᐊ ᐅᐊᔭᒨᖅᑐᒐᓚᐃᑦ ᓲᕐᓗ ᐅᖄᓚᐅᑏᑦ ᖃᕋᓴᐅᔭᕋᓛᓪᓗ ᐃᓪᓗᕈᓯᕐᒦᖏᑦᑎᐊᒻᒪᕆᑉᐸᑕ ᓴᐃᓕᑦᑎᐊᓂᐊᕐᖓᑦ.
- ᐃᓚᐃᓐᓈᕐᕕᖃᖅᑕᐃᓕᓂᖅ. ᕿᒥᕐᕈᑎᐊᕐᓗᒋᑦ ᐃᓗᒃᑯᑦ ᐃᓚᐃᓐᓈᕈᓯᕆᓲᑎᑦ ᐊᒻᒪᓗ ᐊᓂᒍᖅᑎᓪᓗᒋᑦ. ᐊᑐᖅᑕᐃᓕᑦᑎᐊᕐᓗᑎᑦ ᑭᒃᑯᑐᐃᓐᓇᐃᑦ ᐃᒪᐃᑦᑑᓲᖑᓂᖏᓐᓂᒃ ᒪᓕᓪᓗᒋᑦ ᖃᐅᔨᒪᔭᕇᖅᑕᑎᑦ. ᑕᐃᒫᒃ ᐅᖃᐅᓯᖃᕐᓯᒪᒐᑦᑕ, ᐊᕐᓇᐅᓂᖏᑦ ᐊᖑᑕᐅᓂᖏᑦ ᒪᓕᑦᑐᒋᑦ ᓂᙵᐅᔾᔭᐅᓯᒪᔪᑦ ᐊᑐᖅᑕᐅᒐᔪᒻᒪᑦ ᑕᒪᓐᓇ ᐱᔭᕆᐊᑐᓪᓗᓂᓗ ᐊᒻᒪᓗ ᑭᓇᑐᐃᓐᓇᓕᒫᑦᑎᐊᕐᒥᒃ ᐊᑦᑐᐃᔪᓐᓇᖅᑐᓂ.
ᖃᓄᐃᓕᓂᐊᖅᑭᑦ ᐅᐸᑦᑕᐅᒍᕕᑦ ᐅᖃᕆᐊᖅᑐᖅᑐᒧᑦ? ᐊᑐᕆᐊᖃᕐᓂᐊᖅᑐᑎᑦ ᐅᖁᒪᐃᑦᑐᒃᑰᕈᑕᐅᓯᒪᔪᓅᖓᔪᒥᒃ ᐱᓇᓱᐊᕈᑕᐅᓲᒥᒃ. ᑭᓇᑐᐃᓐᓇᕐᒧᒃ ᐅᖃᕐᕕᐅᒍᕕᑦ ᓂᙵᐅᔾᔭᐅᓐᓂᕆᐊᖓ, ᐃᑉᐱᓇᓪᓚᕆᒍᓐᓇᕐᖓᑦ; ᐃᓛᓐᓂᒃᑯᑦ ᐅᖃᑲᒻᒪᓐᓂᐊᖅᑐᒋᓲᖑᒐᑦᑕ. ᓴᐃᒪᔫᒥᒐᓱᓪᓗᑎᑦ, ᐱᓗᐊᖅᑐᒥᑦ ᖃᐅᔨᒪᒍᕕᒋᑦ ᑖᒃᑯᐊ ᐃᓕᓐᓄᑦ ᐅᖃᖅᑐᑦ. ᐅᑯᐊ ᐆᑦᑑᑏᑦ ᖃᓄᖅ ᑭᐅᒐᔭᕐᒪᖔᕐᐱᑦ ᐅᖃᕐᕕᐅᓐᓂᕈᕕᑦ:
- “ᐅᑉᐱᕆᒋᒃᑭᑦ.”
- “ᑕᕝᕙᐅᕗᖓ ᐃᓕᓐᓄᑦ.”
- “ᐅᖃᐅᑎᒍᓐᓇᕆᙵ ᖃᓄᑐᐃᓐᓇᑦᑎᐊᖅ ᐅᖃᐅᓯᕆᒍᒪᔭᕐᓂᒃ ᐅᕝᕙᓘᓐᓃᑦ ᐅᖃᐅᓯᕆᒍᒪᓗᐊᙱᒃᑯᕕᐅᒃ ᖃᓄᐃᒻᒥᓇᓂ.”
- “ᐸᓯᔭᔅᓴᐅᖏᑦᑐᑎᑦ/ᑕᐃᒪᐃᑎᑦᑎᖏᑦᑐᑎᑦ.”
- “ᖃᓄᐃᙱᑦᑐᖅ ᐅᖃᐅᑎᒍᕕᙵ ᑕᒪᑐᒪ ᒥᔅᓵᓄᑦ ᖃᓄᐃᔅᓴᙱᑐᐊᕈᕕᑦ ᑕᒪᑐᒥᖓ ᐅᖃᐅᓯᖃᕆᐊᔅᓴᖅ.”
- “ᖁᔭᓐᓇᒦᒃ ᐅᖃᐅᑎᒐᕕᙵ.”
- “ᒪᒥᐊᓇᖅ ᑕᐃᒪᐃᓕᐅᖅᑕᐅᓐᓂᕋᕕᑦ. ᖁᔭᓕᔪᖓ ᐅᕙᓐᓄᑦ ᐅᖃᕈᓐᓇᕋᕕᑦ.”