ᐱᔾᔪᑎᓕᒃ 3: ᐃᓅᓯᕐᒥᒃ ᓴᖅᑭᔮᖅᑎᑦᑎᓂᖅ
ᓇᓂᓯᓂᖅ ᐊᑐᕋᔅᓴᓂᑦ ᐊᑐᓕᖅᑎᑦᑎᓂᕐᒧᑦ ᓴᐳᔾᔨᓯᒪᒍᑎᓂᑦ ᐱᓪᓚᑦᑖᖑᓂᕐᓴᓂᑦ ᐃᓚᒋᔭᐅᓪᓚᕆᒻᒪᑦ ᐃᓅᓯᕐᒥᒃ ᓴᖅᑭᔮᖅᑎᑦᑎᓂᕐᒧᑦ. ᐃᓅᓯᕐᒥᒃ ᓴᖅᑭᔮᖅᑎᑦᑎᓂᖅ ᐊᑐᓲᖑᒻᒪᑦ ᐊᑐᓪᓚᑦᑖᖅᑐᓂᑦ ᐃᓅᕐᓯᒥᒃ ᓴᐱᓕᖃᑦᑕᖁᔨᙱᓂᕐᒥᒃ; ᐃᓅᓯᕐᒥᒃ ᑭᐱᓯᖃᑦᑕᖁᔨᙱᓐᓂᖅ ᐊᐅᓪᓗᔾᔭᐅᓪᓚᕆᓲᖅ ᑲᔪᓯᖃᑦᑕᖁᔨᒐᑎᒃ, ᐃᔪᕆᐊᕐᐸᑦᑐᑎᒃ ᐊᒻᒪᓗ ᑭᖑᓂᐊᒍᑦ ᐃᑲᔪᕆᐊᖃᕐᐸᑦᑐᑎᒃ ᑭᒃᑯᑐᐃᓐᓇᕐᓂᑦ, ᐃᓚᒌᓂᑦ ᓄᓇᓕᓐᓂᓘᓐᓃᑦ ᐃᓱᒫᓗᓇᖅᑐᒦᒍᑎᖃᓪᓚᕆᑦᑐᓂᑦ ᐃᓅᓯᕐᒥᒃ ᑭᐱᓯᒍᒪᓂᕐᒧᑦ, ᐃᓄᓯᕐᒥᒃ ᓴᖅᑭᔮᖅᑎᑦᑎᓂᖅ ᐃᓚᖃᓲᖅ ᐃᓘᓐᓇᓕᒫᑦᑎᐊᖏᓐᓂᒃ ᐱᓕᕆᓂᐅᕙᑦᑐᓂᑦ ᐊᒻᒪᓗ ᑐᓴᕋᔅᓴᓕᐊᖑᕙᑦᑐᓂᑦ ᑭᒃᑯᑐᐃᓐᓇᕐᓄᑦ ᑎᓕᐅᕈᒪᓪᓗᒋᑦ ᐃᓅᓯᖃᑦᑎᐊᓂᕐᒥᒃ ᐊᒻᒪᓗ ᖃᐅᑕᒫᑦ−ᐃᓅᓯᕆᕙᑦᑕᖏᑦ ᐊᑑᑎᖃᕐᓂᕐᓴᐅᖁᓪᓗᒋᑦ.
Life promotion activities are most successful in an Indigenous context when they are conceptualized and implemented by community members and community-based organizations. This is not to say that workers from outside the community cannot have a hand in developing and delivering programming; rather, strategies and final decisions on what is appropriate should be informed by relevant cultural practices (Centre for Suicide Prevention).
ᐃᓚᖏᑦ ᐆᑦᑑᑏᑦ ᐃᓅᓯᕐᒥᒃ ᓴᖅᑭᔮᖅᑎᑦᑎᒋᐊᒃᑲᓂᕐᓂᕐᒧᑦ ᐱᓕᕆᓂᐅᔪᓂᑦ ᒪᑯᐊᖑᕗᑦ:
- ᐊᖑᑏᑦ ᐊᕐᓇᐃᓪᓗ ᑲᑐᔾᔨᖃᑎᒌᖏᑦ
- ᐊᐅᓪᓚᕐᓯᒪᓗᓂ (ᓅᓯᒪᓗᓂ) ᒪᒥᓴᖃᑦᑕᕐᓃᑦ
- ᐱᖅᑯᓯᖅᑎᒍᑦ ᐃᓕᓯᒪᔭᖏᓐᓂᒃ ᐃᓕᓐᓂᐊᕐᓃᑦ (ᒥᖅᓱᕐᓂᖅ, ᓴᐸᙱᕆᓂᖅ, ᓴᕕᕋᔭᓐᓂᑦ ᓴᓇᖃᑦᑕᕐᓂᖅ, ᐊᖑᓇᓱᖃᑦᑕᕐᓂᖅ, ᐃᓪᓗᕋᓛᓕᐅᕐᓂᖅ, ᐅᖃᐅᓯᕐᒥᒃ ᐃᓕᓐᓂᐊᕐᓂᖅ, ᐱᖅᑯᓯᖅᑎᒍᑦ ᓂᕿᓕᕆᖃᑦᑕᕐᓂᖅ, ᐊᓯᖏᓪᓗ)
- ᑲᓲᑎᒍᑎᔅᓴᐃᑦ ᐃᓐᓇᕐᓄᑦ (ᐃᓄᑐᖃᕐᓄᑦ)
- ᐋᖅᑮᓂᖅ ᖃᖓᒃᑯᑦ ᓇᒥᓗ ᐃᓅᓱᑦᑐᓄᑦ/ᐅᕕᒃᑲᕐᓄᑦ ᓇᔪᖅᑕᐅᖃᑦᑕᓂᐊᖅᑐᒥᒃ, ᓇᔪᕋᔅᓴᑦᑎᐊᕙᒻᒥᒃ
- ᐱᙳᐊᖅᑐᓕᕆᓂᖅ
- ᐊᑭᑦᑐᕋᐅᑎᓃᑦ ᐊᒻᒪᓗ ᓵᓚᔅᓴᕋᓱᐊᕈᑏᑦ (ᐊᔾᔨᙳᐊᑦ, ᑎᑎᖅᑲᐃᑦ, ᐊᓯᖏᓪᓗ ᓴᓇᑐᓂᕐᒧᑦ ᐱᓇᓱᐊᕈᑕᐅᓲᑦ)
ᓇᓪᓕᐊᑦ ᑕᒪᒃᑯᐊ ᐊᑐᓕᖅᑎᑕᐅᕙᓪᓕᐊᔭᕇᖅᑲᑦ ᓄᓇᓕᓐᓂᑦ? ᖃᓄᐃᑦᑐᓂᑦ ᐱᓇᓱᐊᕋᔅᓴᖅᑕᖃᖃᑦᑕᖅᑲ ᐃᓅᓯᕐᒥᒃ ᓴᖅᑭᔮᖅᑎᑦᑎᓂᕐᒨᖓᔪᓂᑦ ᐱᓕᕆᓂᐅᕙᑦᑐᓂᑦ?