Topic 2: Responding to a disclosure of gender based violence

Uqautikhat 2: Kiujuq uqatiarniganik arnauniq/agutauniganik pijutiqaqtumik nigarnirmit

When someone discloses to you that they have experienced gender based violence, whether recently or some time ago, it is important to recognize that a great deal of trust has been placed in you by the individual. As discussed earlier, there are many barriers to disclosure and the following section will help provide some elements of best practice as to how to respond. Again, if you work in an environment where responding to disclosure is a regular part of your job, please defer to the guidelines and protocols outlined by your place of work. 

  • Pittiarniq. Uqautaukpat kinamit ilihimajarnit, ajurnaqtuq pittiagitaagani kinamikliqaa aalagajumik piluguluniit "qilamiuqtumik" pigiarunmik tuharuiravit tuquffinaqtumik atuqhimajainik, kappiahungnirmik aannirutaugitaagani. Kihimi, ikajuutauluaqtut hulihimmaariami ilauqatigilugit qanuq pihimajatit, tautuktitlugit atuqhimajatik aalangungitut imaaluuniin uqagiirlugit uqaqtatit qujaginaq. Uqariangani pijaaqtuq qujaginnaq, ataani qujaginnani qanuridjutini, tunijauniaqtut inungmin takuhimangitarnit hivuagun. Pittiarnirmik imaalu nirittiarnirmik nutarannuamik pihimaittumik nakuutqijaujuq qanuriliurutikharnik, ihumagigaluaqhugu piqatigijarnik inungmut uqaqhimajut ilingnut. 
  • Qajangnairutikharnik. Taima anginiqaqtuq taima annaktauvakhimajuq arnaunikkuut/angutaunikkut nin'ngartaunirmik tunijauniaqtun qajangnaittumik inikharnik taima uqarianganik qiniqhimaagianganiklu munagidjutikharnik ikajuutikharniklu. Ilituripkarlugu inuk uqagiaqaqtutin allanun, nipaitumik inikhavikharnik piumagumik. Pihimalugit aalat ilihimalugit hulaqutigingitatit, tautuktitihimaitumik naunaijautinik. Pijaaqqat, qanurunaarnaitumik najugakhaq humi najugaqaqtaaqtutit imaa inungmin, imaatun uqaudjinikkut igluamik imaaluuniin ikhivavingmun igluamik, ilauqatigiingniaqtuq ikilijuumirlugu annaktaujuq (ikhivaluni tamaini ikpatini, uuktuutigilugu.) Timikkut takuujaujut anginiqaqtuq pidjutiqaqtuq ihumagilugit. Pihimalutit iqaijangnikkut ilaulutit uqautaujunun, takublutit inungmun pihimaitumik, tunihingilugit qujaginaq iqaijangnikkut ajuqhautinik imaa uarlugit talit imaaluuniin ahinungarlugit. Naalatiarniq, uqautaujuq hivumut uqatiarnigani aaliujuni, hunalu atuqtaujariaqaqtut.
  • Hiamitigakhaungittunut. Ilituripkarlugu inuk uqalimaitaatit qujaginaq uqautijarnik ilingnut uqalimaittatit inungnut uqaqtainik ilingnut. Una pijumajun titirarnikkut uqaqtillutik; nakuuniaqturlu ihumaliurutimik pihimajaangani qaritaujat imaatun hivajautit qaritaujatlu igluamin ihumamingnun. 
  • Inuglugijaunirmik. Ihivriurlugu iluani naliinnik piqpakutiqarlutit imaalu havaklutit qangiutijaangani. Pittaililugit inuit pidjutigilugu hunat ilihimajatit. Uqautigiblugit, qanuriniitigut pidjutigilugu nin'ngartaunirmik atuqtaunginaqtuq imaalu ajungnaqtuq ajuqhaut imaalu hulaqutiginiaqtaa kimuli. 

Hunamik uqaqpakpit kinaliqaaq uqaqqat ilingnun uqaqtaujunun? Aturiaqaqtutit tuquffinaqtumik pigiarunmik. Kinaliqaak uqarumi nin'ngartaunirmik ilingnut, ajuqharniaqtuq; Iqhivaktavut uqaqhuta ihuittumik. Ihumaalukhimaitumik, ilihimaguvin inuit ilaujut. Ilangit uuktuutit qanuq kiudjutigilugit uqautiginirmun ilaujut:

  • "Ukpirijagit."
  • "Hamaniitunga ilingnun."
  • "Uqautilagit amigaitut imaaluniit mikijumik nakuugijarnik."
  • "Ihumagihuirlugu."
  • "Nakuujuq uqarianga uuminnga qanurunaaruvit."
  • "Quanaqqutit uqautigangma."
  • "Mamiana una pidjutijuq ilingnun. Quviahukpiaqunga uqautigangma."