Topic 3: Stages of Human Trafficking

Una ilihaut pipkaijuq ilihaqtumik kangiqhijutiqariagani qanurinigit atuqtauqataqtut inungnik niuvviktitijut.  

Tamainni ijiiraqtuqtauhimajut hilarjuami inungnik niuvrutiqarniq, piqaqtuq aalatqiinik ajurnaqtunik atuqhimajamingnik, anginiqaqturlu tamainnut atuqtaujuittut atautip-tamainit kangiqhijutikhait hunauninginiklu. Una ihumagiblugu, piqaqtuq naunaitunik atugakhanik ]naunaiqtauhimajut amigaitunin annaktauhimajunit piqatigipluguinmi niuvviktigijaqtik. Hapkua ilaujut angiqharijut, piniqhaqtaujut, avaliingaaqtittugit, ikhitaangniq/angiqhaaqtaujut, imaalu atuqtauplutik. Tamaita talimat hapkua atugakhat tadjainaq, ilangiluniit; pidjutiqaqtuq amigaitunik pidjutinik imaatun ilauqatigiingniq avatuingnut ihuinaaqtaujut imaalu niuvviktiujut, pihimajut ihuinaaqtaujut inuuhiit pigaangamik inungnun niuvviktigijaqtik, imaalu aalat.

Taimaingituq amigaitunik mihingnautiqaqtunik tuhaqtitihimaaqtunik unipkaangit unaluuniit Hollywood piksasuungit, tamna atuqtauhimajuq taima ajuqhaqtaujut tiguujauhimajut aqunmit ipiqtauhimaplutik imaalu akiittumik havaktitaujut niuvviktauhimagamik.

Tikitinnata tallimat qanurinningit inungnik niuvrutiqarniq hivulliqpaamik takuniaqtugut qanuqtut ajuqhaqtitaujunut naunaiqtaimaaktut.

Naunaitkutaq. Inungnik niuvviktitijut qiniqhiavaktut inungnik qiniqtut ajungnaitunik pijakhamingnik. Inungnun tuhaumapkaitjutinin ihuatqijaujut atuqtakhat atuqpait qiniraangamik qajangnatqijaujunun inungnik qiniqhiajarangamik. Qilamiuqtumik takuurlugu inuup Instagram unaluuniit TikTok atiqarviit naunaiqtaa qanuqtut ihumagijuq inminik, ajuqhautinga aimavingmini imaaluuniit ilannamingut, manikhaliurutikhaminik ihumaaluutigijanginnik, humilu ubluvakgiamingnik. Tamaitungittut ilitarijaujut una – ilangit ilamingni ajuqhautiqaqtut, ilananginit ilanamik.

Naunaiqhijarangamik inungmik pinahuaqtakhamingnik ihumagijaugumik, qanuriliuqpallialiqpaktut inungnik niuvrutikhamingnik havakpallialiqhutik.

1. Angiqharijut: Una hivulliujuq atuqpagat nuliqinikkut niuvrutiqarniq. Tamna niuvrutiqaqtut ilitarijauhimajut inuk tikiutiniaqtun, ihivriurianganiklu qanuq pinahuaqtaqtik upautijukhaq. Inungnik niuvviktitijut akhut pidjutiqaqtut ajuqhaqtitauplutik, imaalu atuqhugit inmi ajuqhautitik' ihuinaarnikkut,ihariagijait, ukpigijait, imaalu piumajait ihuarnikkut piqatigiingnirmik avatingnut imaalu inungmut. Taimaali atauttit ihuinaaqtaujut ihuinaarnirmun aalakiigutait akhut, angiqharijut qanuriniit aalanganiaqtut atauttinun inungnun. Atuqtilugu una atugakhaq niuvrutiqaqtuq "hivriuqhijuq inungnik" imaa pidjutigilugit kitut kikliit naunaijariangani inuup ajuqhautingit imaalu qanuq ajurnangittuq pipkariangani.
   • Naunaitkut: Anika 13nik-ukiulik arnaruhiq. Tadja munaqhijuq imaalu aulangituq munahijunun. Ilanaminungauqatainaqtuq ilanani igluini imaalu hiamitiqhuni qanuq quviagiqpiaqtaa aihimavingmini. Anikap niuvviktitijia lihimajunaqhijaa, ilanata angajugijunaqhijaa imaaluuniin qaujimajaujunaqhijuq ilaminin. Atuqtitlugu tamna angiqharijut qanurinnia, una inuk naalattiarniaqta tamna Anika, atuttiaqtumik ikpigijani, najurlugulu kappiahuktaililugulu. Una inuk ihumaginiaqtait ajuqhautit tapkua atuqtaujut Anikap inuuhiani imaalu katitirlugit kangiqhidjutit ihuaqhariangini qanuq ilauqatigiblugit tuhaqtaujamini, pittiarlugit, imaalu munarijaulutik.
2. Piniqhaqtaujut: Piniqhaqtautitlugit, tamna niuvrutiqaqtuq piliuqtuq ilauqataunirmik uumunnga ajuqhaqtitaujumut (ukunatitut ilanamik, angutaunminik, imaaluuniit munaqtiujut). Atuqtilugu una atuqpagat inungnik niuvrutiqarniq piniqhaqtauniaqtuq inullaat niuvrutaujangit imaa uqarijaqhimajut ihuaqhaqhimajunik pihimajut naunaitkutinginut katitiqtamingnik kangiqhidjutinik angiqharijut. Una aallakkiingniaqtuq pidjutiqarluni inungmun, piqatigiigutikhat niuvrutiqaqtumun, parnaqutikkullu niuvrutiqaqtun aturumajan. Una taimaatut takuujauniarunaqhijuq uqautiplugu nakuutqijamik inuuhikhamik imaalu/imaaluuniit havakluni ilaani ajuqhaqtup inuuhingani (imaatut tunihilutik atuqtakhanik, pijukhaujut piqpagijamingnik/piqpakkungmik, tunihilutik angajarnaqtunik taanngarmiklu, iglukhanik, ilautquplugit ilannamingnun, taimaalu.).
   • piniqhaqtauniq ttakunnaqtut aallatqiiktut pidjutiqarniaqtuq qanurittunik niuvrutiqaqtuq. Niuvviktitijuq "qanurinia" taijauhimajuq imaa 'Romeo' imaaluuniin 'angutaut' pimp. Una niuvrutiqaqtuq uqarniaqtuq imaalu pilugit tamaita ihuaqtut hunat ihuinaaqtaujut ukpiguhuktut piqpagiblugu. Una uuktuutigillaklugu, nan'ngariniaqtaa pinirninga uqautiniaqtaalu piqpagijani. Pijariaqaqtuq nakuuniqhamik tuniniaqtaminiklu tamaink ihariagijainik. Uqaqhimmaarniaqtaa unniutilugu hunanik tuhaarumajainik inminut atuqtaujariangani qingihimaittumik pitqujaminik. Ihumapkarniaqtaalu quvianaqtumik inuuhikhanik.
   • Tikinahuarutaa piliurluni hakugiktumik ihumakkut ilaunirmik imaalu taimaalu amigaitunik uqariijautinik imaalu taijauhimajunik mamitirnirmik. Ilihimajuq ilaliutihimajuq piliurniaqtuq qanurittaakhaanik talvani munarilluarniaqtuq hulidjutilugu angunmut pilimaitaminik aallanun inungnut. Aallattauq tainiq uumunga piqpaginirmun.
   • Akhurnaqtuq naunaijaijaangat taima tamaita aulalimaitun talvani piniqhaqtautitlugu. Una uuktuutigillaklugu, inungnik niuvrutiqaqtuq taapkunani ittuq uumani "gorilla pimp" qanurittaakhaanik piniaqtaa una qanurittaakhaanik tamaat ahiit angiqharijut avaliingaaqtitauniq/angiqhaaqtaujut. Tapkuat qanuriliurutikhangit atuqpaktut akhuuqhutik akhuuqtaurjuaqhutik.
3. Avalingarniq: Inungnik niuvviktitijut havaktakhait nakuutqiat avaliingaaqtitaugumik ihuinaaqtaujut. Taimaatut tukiqaqtuq avaliingaaqtitaunikkut ajuqhaqtut ilamingnin, ilanamingnin, nunallaamingnilu. Inungnik niuvviktitijut munarivagait hivajautait ihuinaaqtaujut, kikliqarlugit tuhaqtidjutitik inmi ikajuqtikhaminnun (imaaluuniin qingilugit uqarumakpata hivajautikkut ikajuqtikhamingnik), munariplugit inungnun tuhaqtidjutait, imaalu/imaaluuniin nuutirlugit nutaanun najugakhainun imaaluuniin ilihimangitainik igluqatigiiktunut. Ilaani Inuit ajuqhaqtitaujut akjaqtaimaakhimajut hivuraanut inungnik niuvviktitijut, imaaluuniit tikkuaqtauhimajut nutaanik tikilihaaqtunik, ilihimalluangitkumik hivuraani nunalipaujanik, ikajuqtikhaqangittut ikajuqiujukhanik, imaalu qanurinniinnik inuuhiringnaqtumik, pitquhikkut, imaalu ihumaalungnaqtumik avalingarnirmik.
4. Manipulation/coercion: During the manipulation and coercion stage, traffickers have already established a close relationship with the victim, and then begin to ‘flip the script’. The trafficker may begin to use information against the victim, emotionally withdraw from them, aggressively push boundaries they know make the individual uncomfortable, and/or make the individual feel indebted to them for providing shelter, food, clothes, love, etc. Since a strong relationship has already been established with the victim, the victim will often do anything to make the trafficker happy and get back to the honeymoon-like stage of grooming.
5. Atuqtauplutik: atuqtilugu kingulliq atugakhaqtik inungnik niuvrutiqaqtup hanaqidjutikhait unalu nagaijautait, atuqtaujukhanik pivaktut. Umaani qanurinninga, ajuqhaqtitauhimajut' inmikkut-nakuuginirmut, kiklikhangit, imaalu ukpirijait ahikkuuqtauhimajut niuvrutiqaqtumit, angmaqhijut igalaanik akhaluutirjuamut. Tamna atuqtitijuq uqautiginiaqtaa ihumagijakhainik akuktauhimajunik nulliarnikkut maniliurnirmik talvuuna atuqtauplutik (imaatun itun. "Piguvit malruiqturlutit maniqarniaqtugut nuugiaptingni"), angiqhaaqtauplutik (e.g. "atuugaqaqtutit tunivagamnik, pingitkuvit hunanik apirijarnik, aanirniaqtara aqqaluat"), imaaluniit akhuurutikkut.

Hamma pingahut unipkaat pihimajut pijauhimajunun

13nik ukiulik Kate

Kate 13nik ukiulik arnaruhik nunaqaqtuq Nunavunmi maamani, aapakhaa, aniqataitlu. Kate takuuvakhimajaa maamani, aninilu, pimmarluktaubluni ningaqhiqtuq imaalu uqaqhugu aapakhaminit. Aapakhaa ajuqhaqtuq taangakkut ihuitumik, imaalu aihimabluni inuuhirmun nakuuluangituq Kate-mun. Kate angajuqqaangit ilannangit pulaaqpaktut igluannun, unalu Kate inmikkuurvikhaittuq aihimavingmini. Kate unipkaaqaqtuq nuliqinikkut ihuinaaqtaunirmik tapkua uqautigihimaitait kinamun hivuani, taimaali pimmarlungnikkut ilani imaalu ihumavaktuq ukpirilimaitaa. Kate ilihariaqtuqpauhia iliharvingmi nakuujuq, kihimi ilihaijip iliturijaa havagumajungnaiqtuq havaakhaminik, imaalu ilituribluni inmikkut aanirnirmun.

Kate qangannuaq qanitpaktuq angutimun nunallaamini. Angut 22-nik ukiulik, kihimi uqautijaa Kate inirninguqpiaqpaktuq ukiuqaqhunilu aallanganinga 'angaungittuq'. Ikajuliqpaktuq Kate-mik, imaalu kangiqhipkaqhugu. Quviagijaa qanuq quvihungitaminik iglumini ilaani, qanuq appakhani kappiagivaktaa, imaalu hivuagut nuliqinikkut ihuinaaqtauvaktuq.

Kate unalu angut aktuadjutivakhutik, Kate quviagijaa piqpagijaujutut itpakhuni. Ikittuni tatqiqhiutini, tamna angut atuqtiliqhimajaa aangajaarnaqtunik Kate-mut. Kate puiguutigivaktaa angajaariamini, imaalu alianaqtumik aangajaarnaqtunik higaaqatigijarangamiuk. Tamna angut pimmaarlukpaliqhimajuq Kate-mut. Uqamalugvigiplugu ningarnirmik imaalu nipiqquqtuhipluni uqarvigiplugu iqhinaqhuni ningakhimanirmun, iqqarvigiplugu hunavalungnik, imaalu taadjakhugu. Qahutkaangami ningakhimalaaraluni, mamianaaqpaktuq uqaqhunilu maniitliurnirmut ihumaalugiaminik, imaalu tapkua aangajaangnaqtut akiituvallaarmata. Uqaqtuq Kate tamna atauhiq havaqatini ihumajuq aarnaqpiaktuq, imaalu nuliqigumiuk atauhirmik, manikhaarniaqtuq ikituni unuani aangajaariamingnik. Kate quviahuqqugamiuk angut, taimaa angiqpaktaa taimailiurniaqtumi.

Qakuugungurmat, angutip imaalu arnaqatattaa niuvrutigivaliqtaa Kate aalakiinun iglunnginut iliharuirnahijarangat. Kate ihumapkakpaktaat ilaujutut ittumik hunamikliqaa, imaalu ihuarijaktik nakuuninganiklu. Pipkaqpagat nuliaqtaupluni amihuiqtuqhugu ubluq, imaalu ahiit tuniuqhaqhugu aangajaarnaqtunik, uqautiplugu piqpagijaktik, piqpakkutimingniklu, qimaaplunilu iglumingnin.

Apiqqutit

1. Hunaujut ilangit hunavaluit aulatitivakhimajut Kate-nik ajungnautiqarniaqtun atuqtitijuq?
2. Qanuq niuvrutiqaqtuq pihimavvakpauk inminik?

18nik ukiulik Anna

Anna 18nik ukiulik inulramiq Nunavunmin, imaalu qanikkut nuuhimajuq Ottawa-mut lihariamini iliharjuuminikkut iliharvigjuamut. Anna quviahukpiaktuq nuutiriaminik hivuraanut, iliharvirjuamut, qiniqhiaplunilu kinauniiminik. Anna pihimajuq hakugiktunit imaalu nangarijat Inuit ilagiit, kihimi ilaani ajuqhautiqaqtuq inminik tautuktuujarnirminik imaalu in’ngumanirminik.

Hivuraanungarami, Anna nutaanik ilannaniktuq aadjikkutaanik iliharvingmini ilihaqtunik, aliagiliqtaa ilihariaqpaalirvingmini inuuhiminik. Annap ilanangit quviahuktut imingnirmik ahianii liharnirmik ikaarniit, imaalu aadjikiikhutik malruuk imirvigivaktait nunalipaujami havangnaitilugu.

Annap puqtuniit anmukpallialiqtut imiqpallarnirmik ilannanilu, qilamiklu maniit tunijauhimajut ilihariaqturiamini ilihaliriami nungutpalliajut. Taimaingittuq ilannangit ilaqaqtut nunalipaujarmi, Anna ilihimangittuq kinamik uqarvikhaminik. Ilangita nangarijat quviahukpiaqhutiklu ilihariarmat, imaalu kingun ginnaqungittait. Anna avaliingaaqtutut ilitpallialiqtuq nunalipaujami ilihimangitturlu kinamut uqarvikhaminik.

Anna upaktaujuq angunmin atauhirmi imirvingmi upaliqpaktamini. Imingatitluni, uqaqpaktuq angunmut mikhaagun ilanginik ajuqhautiminik. Una angut apirijaa Anna numiqupugu imirvingmi pigijaminik Quebec-mi haniraani nunallaami, uqautiblugu maniliuqtaaqtuq qilamik, ahiani iliharviani ikaarniini, imaalu tamaita ahiagut maniliurutikhanik. Uqaqtuq kinaliqak ilihimalimaittuq iliharvingmin, aimavingmingnit, tamna hivikittumutlu havangniq ikaarniinni pipkaidjutiginiaqtaa ihumagilluariami ilihaqtaminik.

Numilktingurami aannurangijarvingmi imirvingmi, imaalu havaklugit ukpiguhungnikkut ilauqatigiingniq angunmun, uqaqtuq Anna aulagutiluni atuqtiquplugu aturluni cocaine-mik uinngarlirnaittumik hivitujuni ikaarniinni havaktitluni imirvingmi. Una akiqangittuq, taimaali angut tunihivangman tamainik atuqtakhainik.

Ikitut havainiit kinguani, tamna angut apirijaa tamna Anna tunihijuq nuliqinikkut maligat tunuani akiliqtuijunun. Anna ihuaringitaa una, kihimi ilitturinnagu piumangittuq. Tamna angut iqhitaaktaa tujuutiginiaqtait piksasuuliuqtani piksatlu ilaminun imaalu ahiguqtirlugu idjuhia nunallaamini imaatut pidjutigiblugu uhiqtirnirmiki imaalu aangajaarnaqtunik aturniq. Tamna angut akhuuqtuq ningarnahuaqhugu, imaalu Anna piumangittuq kihimi maliqajaminik. Tamna angut naunaijaihimaanginaqtuq 'ublunik' talvuuna Anna tunuani aannurangijarvingmi imirvingmi, katitiqhiplunilu maningnik.

Apiqqutit

1. Huuq Anna-gujuq ihumalungnaqhiva niuvrutiqarniq ahiit iliharviata ilaujut?
2. Uhiqtirniq taimaittimaakpa inungnik niuvrutiqarnirmik? Huuq huurluuniit?
3. Qanga 'angut’ uqarvigihimaja inungnik niuvrutigivakhimavauk?

15nik ukiulik Joshua

Joshua 15nik ukiulik angut, igluaniittuq maamanilu, nukaqhiit nukait, imaalu angani Nunavunmi. Joshua iliharvik, quviagijaa anguniariaminik, ulapqiqatigiplugitlu nukani nukaqhiit. Qanikkut, Joshua ihumaliuqtuq uqautilugit ilanatik iliharvingmi tamna angutinik nakuugijaqaqtuq. Joshua aadjikiiktumik katimajut ilanani tamaat nutaraunirminit, imaalu ihumabluni ikajungniaqtut, kihimi alianaigivaktat, kanguhuktittugulu, imaalu uqautiblugu ahinungautquplugu ingmingnit. Uqaqtait tuhaqhaujut qilamik nunangani imaalu Joshua atuqhimajuq inuglugijakpiakhuni uqautinik qaritaujakkut, iliharvingmi, igluminiluu. Joshuap angaata alianaigija, imaalu Joshuap maamaata ikajungittaa. Joshua ihumavaliqtuq inminiilrumapluni, imaalu avaliitpiaktutut ilittuni. Avaliin'ngaaqutut ilingajuq nunamini, qiniqhiajuq ikajuqtikhaminik qaritaujakkut. Joshua paqitijut 2SLGBTQ+ katimajiit qaritaujakkut imaalu paqittijuq ilanaminik tapkua ikajuutaujut kangiqhijaujaminik. Josh ilanariliqtaa atauhiq inulrammiq inuuhuktuq Ottawa-mi, uqaqturlu Ottawa alinaqpiaktuq, inuillu humaagingittat angutinik piqatiqaruvit tahamani. Uqautijaa Josh aquikpat Ottawa-mun, akilirniaqtaa tingmidjutikhanik akikhanik.

Josh ikittunik ilaruhiqaqtuq Ottawa-mi, maamani angiqtitaa aullaqtitlugu Ottawa-mut atangmini ittaaqtuq. Ilannata akiliqtaa tikisinik, imaalu kialiqaak Joshuap ilaruhiita apiqhungitata hulinahuariakhanik apiqqutikhamingnik. Josh tikittuq attangmi igluanun Ottawami, anijumaliqtuq takujaqturumaplugu nutaaq ilanani.

Takujaqturamiuk, ilannaa uqaqtuq nuliaqpagiaminik angutinik akiliqtaupluni maningmik imaalu uqautijaa taimaa "ajurnaitpiaktuq". Uqaqtuq ilannariijatataa ikajuqta paqittitiplugu havaakhanik. Josh uqaqtuq pihimaittaaminik nuliarnirmik hulipkainirmik hivuani imaalu naluqhaqtuq qanuqtut ihumagijakhaminik talvuuna. Ilannaa naunaijaqtaa manik, alianaqtuq, imaalu niamgijaarnaqhunilu 'havaaga', kihimi huli Josh naluqhaqtuq. Ilannaa uqautijaa hulijumangitkumi qanuriliugakhaittuq, angutit uhuanik uqquumiarlutik pittaaqtut imaalu piksaliurugulu. Josh quviagiqpiaqtaa najuriangani ilaupkarnirmiklu tgaffumanga nutaaq ilannaminit ihumagiplugulu una hivunikhaa humangittuq. Josh ilannaa upautijaa naunaiqtitaalu pimp-minut.

Aulaqtiriarningani Josh ihumajuq angirnahugijuq. Ihumabluni naamangnahugijuq ilanginik piksaliuqtaunirmik, imaalu angutinutt kahagaqtittuni, kihimi qilamik Josh iliturijuq uqalimaittumik hulidjutainik inminut.

Apiqqutit

1. Hunaujuq Josh-mik ajungnautiqarniaqtuq atuqtitinirmik?
2. Josh is a minor. Which 2 of these 3 have to be in place for what happened to him to be considered trafficking? ACT.  MEANS.  PURPOSE

Qaritaujakkut Angiqharijut imaalu Aktuutauniit COVID Qalagjuarniq

Inungnun tuhaumapkaitjutinin qilamik ihuaqtumik angiqharijut atugakhait. Tunihijuq amigaitunik qilamik atadjutinik imaalu qilamik ilauqatigiingniq aadjiliurutigiblugu inungmut atadjutainun.

Pilihaaliqhimajuqtitiraqhuni uqarumajaminik - ilannarijaujumajumit apirijaujuq. Aturumajut Qiniqhiajut katitiqhivaktut naunaitkutikhanik imaalu aturlugit havaklugit ukpirijaujamingnikimaalu naunaijarlugit ajuqhautaulajut. Ihumagigungni qanuraaluktut inuup naunaitkutingit aadlanut tunijaujut qaritaujakkut, takuinarialik qanuqtut ajurnaittuq inungnik niuvrutiqaqtumik 'ilaliutigiami' pinahuaqtamingnik. Un'ngahiktukkut piqatigiingniq piliuqtaaqtuq qilamik. Una uuktuutigillaklugu, inulramiit uqarniaqtait ningakhimaniq angajuqqaamingnut uqaqhunilu ahinut qimaniariaminik aimavingminit. Tamna inungnik niuvrutiqaqtumik kiuniaqtun taima aadjikiiktumik ukiunganik ilihimajaangatlu qanuriliuqpakhimajut talvuuna ilanagijumajaqtiklu.

Aalla uuktuutigillaklugu amigaitut inmingnik piksaliuqhimajait turaarutit iliugaqtaujaaqtut qiniqhialutik ihuaqtumik, apiqhurlugit uqaqtakhainikmikhaagun qiniqtamingnik imaaluuniin aanurangitugut, imaaluuniin ihuangitumik uqarlutik qanuq takummahiinik. Hap[kunani pidjuhiini, qanurunaarniit ajurnaittun takujaami ajurnaittutiklu atuqtaujanginik inungnik niuvrutiqaqtumit.

Inungnik niuvrutiqaqtuq qaritaujakkut aallaunguarniaqtuq piqatiginikkut 20min hamunga 30mun ubluni amigaittunik aallatqiinik maliktakhamingnik, amigairjuumilugit paqitijaamingnik pijumajamingnik upautijumajunik inmingnut.

Kingulirni ukiuni, ukualuat qalagjuarniq COVID, piqaqtuq angijumik amigairjuumijut qaffiuniit niuvrutigijaujut ajuqhaqtitauvaktut takuhimaitat niuvviktigijaqtik ingmingnik. Qakugunguqqan pinahuaqtaujuq angiqhaqtauniaqtuq tujuquplugu qajangnautimik piksamik talvanga atuqtaujuq iqhihaariamingni. Pijumaju akhuuqhutik tujuqujut amigaitunik piksanik imaaluuniin piksasuuliuqtanik malikhungujut. Tamna niuvrutiqaqtuq ajungnautiqarniaqtuq iliqatigiiktukharnik ukuninga anginirmik taima ajuqhaqtitaujhimajuq maliqatingitpat. Qilamik nuutpaliajuq tujuquplutik piksanik nuvrutigiplugit imaalu niuvrutigiplugu pinahuaqtaqtik qaritaujakkut imaaluuniit inungmun.