ᕿᑐᕐᖓᕗᑦ, ᑲᒪᒋᔭᔅᓴᒫᕆᒐᑦᑎᒍ (OCOR) ᐅᓪᓘᑉ−ᓇᑉᐸᖓᓂ ᐃᓕᓐᓂᐊᕈᑎᐅᒻᒪᑦ ᐋᖅᑭᓱᖅᑕᐅᓯᒪᔪᖅ ᓄᓇᕗᒻᒥᐅᓂᑦ ᓄᓇᕗᒻᒥᐅᓄᑦ ᑐᕌᖓᓪᓗᓂ ᐅᖃᖃᑎᒌᒍᓐᓇᕐᓯᖁᔨᓪᓗᑎᒃ ᖁᓄᔪᕐᓂᐊᖅᑕᐅᑦᑕᐃᓕᖃᑦᑕᖁᔨᓪᓗᑎᒃ. ᑕᑯᓐᓇᕋᔅᓴᓕᐊᖑᓯᒪᔪᑦ ᐅᓂᒃᑳᖅᑐᑦ ᓱᕈᓯᐅᓪᓗᑎᒃ ᖁᓄᔪᕐᓂᐊᖅᑕᐅᖃᑦᑕᕐᓯᒪᔪᑦ ᐊᓐᓇᐅᒪᔪᑦ, ᐱᓯᒪᑦᑎᔨᐅᓲᑦ, ᒪᓕᒐᓕᕆᔩᑦ, ᐊᒻᒪᓗ ᐊᒥᓱᑦ ᐊᓯᖏᑦ ᐃᓕᓐᓂᐊᕈᑕᐅᔪᒥᒃ ᐃᑲᔫᑎᖃᓗᐊᖅᑐᑦ, ᐃᓚᖃᖅᑐᑎᒃ ᐃᓕᓐᓂᐊᕈᑎᔅᓴᓂᑦ. ᑖᓐᓇ ᐃᓕᓐᓂᐊᕈᑦ ᑐᑭᓯᓯᒪᔾᔪᑎᔅᓴᖅᑕᖃᕐᒥᔪᖅ ᐊᒻᒪᓗ ᑐᑭᒧᐊᒍᑎᔅᓴᓂᑦ ᐱᔾᔪᑎᓕᓐᓂᑦ ᐅᖃᐅᓯᖃᕐᓂᕐᒥᒃ ᐊᒻᒪᓗ ᖃᓄᖅ ᐃᑲᔪᖅᑕᐅᓲᖑᒻᒪᖔᑕ ᓱᕈᓰᑦ ᐱᓂᕐᓗᑦᑕᐅᓯᒪᓂᖏᓐᓂᒃ ᐅᖃᐅᓯᖃᓚᐅᖅᑎᓪᓗᒋᑦ. ᑖᓐᓇ ᐊᑐᖅᑕᐅᖁᒐᔭᖅᑕᕗᓪᓕ ᐃᓚᒋᔭᐅᓗᓂ ᐃᓕᓐᓂᐊᕈᑕᐅᓲᖅ ᖁᐊᕐᓵᓇᖅᑐᒃᑰᕐᓯᒪᔪᓂᑦ ᖃᐅᔨᒃᑲᖅᑕᐅᓯᒪᔪᓂᑦ ᐱᓕᒻᒪᔅᓴᐃᒍᑕᐅᓲᓂᑦ ᐃᓕᓐᓂᐊᓂᕐᒥ ᐊᒻᒪᓗ/ᐅᕝᕙᓘᓐᓃᑦ ᐃᓄᓐᓄᑦ ᐃᓕᖅᑯᓯᓕᕆᓂᕐᒥᒃ ᐃᓕᓐᓂᐊᕈᑕᐅᓲᓂᑦ ᓇᐅᒃᑯᑐᐃᓐᓇᖅ ᐱᓕᕆᕕᐅᔪᑎᒍᑦ ᓄᓇᕗᒥ, ᐃᓚᒋᔭᐅᓪᓗᑎᒃ ᐃᓴᒃᓯᒪᒋᑦ ᐃᓅᓯᕐᒥᒃ ᑲᑐᔾᔨᖃᑎᒌᑦ.
ᖃᓄᖅ ᐊᔾᔨᐅᖏᓐᓂᖃᖅᑲ ᑖᓐᓇ ᐃᓕᓐᓂᐊᕈᑦ?
ᐃᓕᓐᓂᐊᕐᓂᖏᓐᓂ, ᐃᓕᓐᓂᐊᖅᑐᑦ ᐃᓕᓐᓂᐊᖃᑦᑕᓂᐊᖅᑐᑦ ᖃᓄᖅ ᑐᑭᖃᕐᒪᖔᑕ ᓱᕈᓰᑦ ᖁᓄᔪᕐᓂᐊᖅᑕᐅᖃᑦᑕᕐᓂᖏᑦ ᐊᒻᒪᓗ ᑐᑭᓯᓗᑎᒃ ᐃᓱᒫᓗᓇᕈᑕᐅᔪᓐᓇᖅᑐᓂᑦ ᑐᕌᕈᑕᐅᑐᐃᓐᓇᕆᐊᓕᓐᓂᑦ ᓱᕈᓯᕐᓂᑦ ᖁᓄᔪᕐᓂᐊᖃᑦᑕᓂᕐᒧᑦ. ᐃᓕᓐᓂᐊᖅᑐᑦ ᐃᓕᓐᓂᐊᓂᐊᕐᒥᔪᑦ ᖃᓄᖅ ᐊᑑᑎᓂᖃᓲᖑᒻᒪᖔᖅ ᐱᓂᕐᓗᑦᑕᐅᖃᑦᑕᕐᓂᖅ ᓱᕈᓯᕐᓄᑦ, ᑐᑭᒧᐊᒍᑎᔅᓴᓂᑦ ᓱᕈᓰᑦ ᖁᓄᔪᕐᓂᐊᖅᑕᐅᖃᑦᑕᖁᓇᒋᑦ, ᐊᒻᒪᓗᑦᑕᐅᖅ ᖃᓄᖅ ᐊᑦᑕᓇᙱᑦᑐᒥ ᐋᖅᑭᓯᒪᑎᑦᑎᕕᔅᓴᐅᒻᒪᖔᖅ ᐱᔾᔪᑎᖃᓗᐊᖅᑐᒥᒃ ᓱᕈᓯᖅ ᓴᐳᑎᔭᐅᓯᒪᖁᓪᓗᒍ. ᑭᖑᓪᓕᕐᐹᒥ, ᐃᓕᓐᓂᐊᖅᑐᑦ ᐃᓕᓐᓂᐊᕋᔭᕐᒥᔪᑦ ᖃᓄᐃᑦᑐᓂᑦ ᐃᑲᔫᑎᔅᓴᖅᑕᖃᕐᒪᖔᖅ ᑖᒃᑯᓄᖓ ᐊᑐᕈᓐᓇᕋᔭᖅᑕᖏᓐᓂᒃ, ᐊᒻᒪᓗᑦᑕᐅᖅ ᖃᓄᐃᓕᐅᕈᓐᓇᕐᒪᖔᑕ ᐅᖃᐅᔾᔭᐅᓚᐅᖅᑎᓪᓗᒋᑦ ᐊᒻᒪᓗ ᓇᒻᒥᓂᖅ ᑲᖐᓱᔅᓯᒪᓕᖅᑲᑕ ᑕᐃᒪᐃᓕᖅᑕᐅᔪᖃᖃᑦᑕᕆᐊᖓ.
ᑭᓇᒧᑦ ᑐᕌᖓᒻᒪᑦ ᐃᓕᓐᓂᐊᕈᑎᔅᓴᖅ?
ᑖᓐᓇ ᐃᓕᓐᓂᐊᕈᑎᔅᓴᖅ ᑐᕌᖓᔪᖅ ᓄᓇᓕᓕᒫᓄᑦ!
ᐃᓕᓐᓂᐊᓂᕐᒥ ᐱᓕᕆᓂᐅᕙᑦᑐᖅ ᐊᑐᖅᑕᐅᕙᑦᑐᓪᓗ:
ᐅᓪᓘᑉ−ᓇᑉᐸᖓᓂᒃ ᐱᓕᕆᖃᑎᒌᒍᑕᐅᓪᓗᓂ ᐃᓕᓐᓂᐊᕈᑦ ᒪᑯᓂᖓ ᐊᑐᕈᑕᐅᒐᔭᖅᑐᖅ ᐃᓕᓐᓂᐊᖅᑎᑕᐅᓗᑎᒃ ᐊᒻᒪᓗᑦᑕᐅᖅ ᐊᒥᓲᙱᓪᓗᑎᒃ ᐊᒻᒪᓗ ᐊᒥᓲᓗᑎᒃ ᐅᖃᖃᑎᒌᒍᑎᖃᕐᓂᖅ. ᐃᓕᓐᓂᐊᖅᑐᑦ ᑐᓂᓯᔭᐅᒐᔭᖅᑐᑦ ᐱᓕᕆᔾᔪᑎᔅᓴᓂᑦ ᐃᓕᓐᓂᐊᕈᑎᖏᓐᓄᑦ ᐃᓚᒋᔭᐅᓗᑎᒃ.
Course length: One Day
Languages: English & Inuktitut
Participants: Minimum 10 participants
Cost: Free
ᑖᒃᑯᐊ ᐊᑐᖅᑕᐅᒋᐊᖃᕋᔭᖅᑐᑦ ᐃᓕᓐᓂᐊᖅᑎᑕᐅᖁᔨᓂᐊᕈᕕᑦ ᓄᓇᔅᓯᓐᓂ:
- ᖃᐅᔨᒃᑲᖅᑕᐅᓗᑎᒃ ᓄᓇᔅᓯᓐᓂ ᐸᓖᓯᒃᑯᑦ ᖃᐅᔨᒪᓂᐊᕐᖓᑕ ᐃᓕᓐᓂᐊᖅᑐᖃᕐᓂᖓᓂᒃ ᓄᓇᔅᓯᓐᓂ
- ᖃᐅᔨᒃᑲᖅᑕᐅᓗᑎᒃ ᐃᓄᓕᕆᔨᒃᑯᑦ/ᐃᓱᒪᓕᕆᔨᒃᑯᑦ ᐃᑲᔪᖅᑎᐅᕙᑦᑐᑦ; ᐃᖅᑲᓇᐃᔭᖅᑏᑦ ᓄᓇᓕᓐᓃᒋᐊᖃᕋᔭᖅᑐᑦ ᒪᕐᕉᓐᓂᖑᓐᓃᑦ (2) ᐱᓇᓱᐊᕈᓰᓐᓂᒃ ᐃᓕᓐᓂᐊᓚᐅᖅᑎᓪᓗᒋᑦ;
- ᖃᐅᔨᒃᑲᖅᑕᐅᓗᑎᒃ ᐃᓕᓴᕖᑦ ᐊᒻᒪᓗ ᐃᓅᓯᓕᕆᔩᑦ
- 10 people minimum per training, 25 max.
- ᐋᖅᑭᔅᓱᐃᓯᒪᓗᑎᑦ ᐱᓕᕆᓂᐅᒐᔭᖅᑐᒥᒃ ᐃᓕᓐᓂᐊᖅᑐᖃᓚᐅᖅᑎᓪᓗᒍ ᐅᕝᕙᓘᓐᓃᑦ ᐅᓐᓄᒃᑯᑦ ᑖᒃᑯᓄᖓ ᐃᓕᓐᓂᐊᖅᑲᐅᔪᓄᑦ (ᐃᓄᔅᓯᐅᑎᓂᑦ ᓂᕆᖃᑎᒌᓪᓗᑎᒃ, ᓴᓇᓂᖅ, ᒥᖅᓱᕐᓂᖅ....)
ᐃᓕᓐᓂᐊᑎᑦᑎᔪᑦ ᐃᓴᒃᓯᒪᒋᑦ ᐃᓅᓯᕐᒥᒃ ᑲᑐᔾᔨᖃᑎᒌᑦ
ᐃᓴᒃᓯᒪᒋᑦ ᐃᓅᓯᕐᒥᒃ ᑲᑐᔾᔨᖃᑎᒌᒃᑯᓐᓂᑦ ᓇᓗᓇᐃᒃᑯᑕᓖᑦ ᐃᓕᓴᐃᔩᑦ
More Training Opportunities
Talking to Children About Suicide
The Talking to Children about Suicide workshop was developed in response to a number of requests from community members who wanted to know how best to support children who have experienced a death by suicide in their family, friend group, or wider social circle. This workshop aims to provide community members with information about: It.
ᐊᑐᖅᑕᐅᕙᑦᑐᓂᑦ ᐃᓅᓯᕐᒥᒃ ᑭᐱᓯᔭᕆᐊᔅᓴᖅ ᐃᓱᒪᔪᓂᑦ ᐃᑲᔫᑎᐅᕙᑦᑐᓂᑦ ᐃᓕᓐᓂᐊᑎᑦᑎᓂᖅ
ASIST is a crisis intervention training developed by Living Works, with the goal of equipping participants to respond competently to individuals at risk of suicide.
ᐃᓅᓯᖅ ᐱᒻᒪᕆᐅᔪᖅ
Inuusiq Pimmariujuq is a comprehensive community strategic planning tool, combining post-contact Inuit history with a workshop aimed at developing a community action plan for suicide prevention and life affirmation.